Lajme (news)

19.03.2007 Ditën e Premte, më 16 Mars Lëvizja MJAFT! zhvilloi një sërë aktivitetesh në përvjetorin e saj të katërt ku morën pjesë anëtarë të kësaj lëvizje si dhe të rinj, qytetarë dhe intelektualë, përfaqësues të medias, të Trupit Diplomatik në Tiranë etj…

16.03.2007 Dje filloi në qytetin e Durrësit edicioni i tretë i “Maratonës Rinore 2007” nën kujdesin e Fondacionit Kulturor “Bluepidamnus” në bashkëpunim me Qendrën Kulturore “Aleksandër Moisiu” si dhe me bashkinë e qytetit aktivitet ky që do të mbyllet pas dy javësh aktivitetesh me 1 Prill 2007.

15.03.2007 Forumi Shqiptar Social Ekonomik-ASET, organizoi në ambientet e Hotel Tirana International tryezën e rrumbullakët me temë “Vullnetarizmi – Element i Partneritetit Social” “, i cili kishte për qëllim shkëmbimin e mendimeve dhe analizën e fenomenit të vullnetarizmit në vendin tonë.

15.03.2007 Qendra për Mbrojtjen e të Drejtave të Fëmijëve në Shqipëri (CRCA), në kuadër të programit të saj “Të Drejtat e Fëmijëve, një e Drejtë Demokratike”, si dhe duke dashur që të sigurojë një mbrojtje dhe zhvillim më të mirë të të drejtave të fëmijëve në vendin tonë, bëhet iniciuese për organizimin dhe fillimin e punës për hartimin e Raportit Alternativ “Situata e Zbatimit të Konventës së të Drejtave të Fëmijëve në Shqipëri”.

13.03.2007 Co-Plan ka filluar këtë vit projektin mbi Romët në qytetin e Elbasanit me financimin e OJF-së hollandeze Cordaid.

12.03.2007 Me financim të Bankës Botërore Fondacioni Mjaft prezantoi javën e kaluar faqen e re të internetit Unë punoj ku të gjithë përdoruesit e internetit do të kenë mundësi të gjejnë nformacion për punësim.

09.03.2007 Ndërsa në shumë qytete të Shqipërisë u organizuan mjaft aktivitete me rastin e 8-Marsit, Ditës Ndërkombëtare të Grave, grate në qytetet e Korçës dhe Elbasanit kanë zgjedhur një mënyrë tjetër të përkujtimit të kësaj dite.

09.03.2007 Promovimi i kulturës së leximit në Shqipëri është qëllimi i iniciativës “Shqipëria lexon” u prezantua me 7 Mars në shkollën Emin Duraku në Tirane. Përfaqësues të UNICEF dhe Fondacionit MJAFT (Dega Filantropike e Levizjes MJAFT!) dhuruan me rastin e 7 marsit dhe në ditën që kujton 120 vjetorin e celjes së shkollës së parë shqipe disa libra për bibliotekën e kësaj shkolle. Ishte i pranishëm z. Robert Carr (UNICEF), Erjon Veliaj (Lëvizja MJAFT!), si dhe përfaqësues të tjerë të këtyre organizatave dhe të fondacionit MJAFT!

08.03.2007 Fondi Evropian për Evropën Juglindore-FEEJ (European Fund for Southeast Europe-EFSE) do të kreditojë sipërmarjet dhe fermerët e vegjël gjatë pesë viteve të ardhshme me rreth 120 mijë kredi për vendet e Europës Juglindore.

06.03.2007 Nga 1 deri me 7 Mars po zhvillohen në shkollat e mesme një sërë aktivitetesh në kuadër të “Javës së Arsimit” e cila u shpall nga Ministria e Arsimit me rastin e 120 vjetorit të hapjes së Shkollës së Parë Shqipe.

06.03.2007 Maud de Boer- Buquicchio, Sekretare e Përgjithshme e Këshillit të Evropës bëri një vizitë në Kombet e Bashkuara me qëllim promovimin e Konventës së Këshillit të Evropës për luftën kundër trafikimit të qënieve njerëzore (STCE No 197) traktat i hapur për ratifikim te të gjitha vendet e botës përfshirë edhe Shtetet e Bashkuara.

05.03.2007 Me 2 Mars Banka Boterore organizoi në zyrat e saj një tavolinë të rrumbullakët me temë: Si të përfitojmë nga Fondi i Karbonit në trajtimin e çështjes së ngrohjes globale në Shqipëri, ku morrën pjesë përfaqësues të pushtetit vendor dhe hartues të projekteve në nivele lokale.

01.03.2007 Një Memorandum bashkëpunimi për monitorimin qytetar të marrëdhënieve BE-Shqipëri u nënshkrua më datë 26 shkurt mes Ministrisë së Integrimit Europian dhe katër organizatave të shoqërisë civile: Fondacioni i Shoqërisë së Hapur për Shqipërinë-Soros, Komiteti Shqiptar i Helsinkit, Instituti i Studimeve Ndërkombëtare dhe Qendra Europiane.

01.03.2007 Presidenti i Shqipërtisë, z.Alfred Moisiu duke pare situatën paszgjedhore u është drejtuar të gjitha partive politike duke u bërë thirrje të angazhohen seriozisht në mbylljen e proçesit të zgjedhjeve të 18 Shkurtit dhe të shprehin vullnetin e mire si dhe të jenë të përgjegjshme në deklaratat e tyre.

01.03.2007 Fushata lokale “Unë mbështes Qeverisjen e Mirë” në qytetin e Durrësit u zhvillua nën moton: “ “Ndryshimi Vjen Me Gruan !”

Për herë të parë ndoshta, gratë më aktive të qytetit të Durrësit të përfshira në politikë dhe ato të cilat luajnë rol aktiv në zhvillimet demokratike si pjesë aktive e shoqërisë civile, u mblodhën së bashku për të evidentuar problemet kryesore të tyre.

28.02.2007 Sot në orën 12 në mjediset e Hotel Tirana International Qendra Eden zhvilloi një takim prezantues të rezultateve të projektit “Monitorimi i Pastrimit të Mbetjeve në qytetin e Tiranës”.

26.02.2007 Parlamenti Rinor Shqiptar dhe shoqata “Gratë Mbështesin Gratë” kanë filluar projektin e vendosjes së kutive të ankesave në 100 shkolla të mesme të vendit ku nxënësit do të shprehin pakënaqësitë e tyre në lidhje me abuzimet që bëhen në institucionet arsimore shqiptare.

06.11.2006 AEDP, si pjesë e Rjetit të Fondacioneve Soros, bën të ditur se shumën e kthyer nga qeveria shqiptare do ta përdorë për të themeluar ne Tiranë një shtëpi të OJQ-ve, që do të funksionojë si një qendër informacioni si dhe do të ofrojë salla diskutimesh e aktivitetesh për organizatat e shoqërisë civile. AEDP-ja dhe OSFA-ja do të fillojnë menjëherë nga puna me qëllim që Shtëpia e OJQ-ve të bëhet funksionale brenda vitit 2007.

10.02.2006 Rreth 38 institute kërkimore shkencore nuk do të varen më nga Akademia e Shkencave, por do t’i atashohen universiteteve. Kjo për të rritur punën kërkimore të shkollave të larta dhe për të aktivizuar profesorët që kanë marrë tituj dhe grada për këtë qëllim. Kryeministri më datë 9 shkurt kërkoi gjatë mbledhjes së radhës së Këshillit të Ministrave, që reforma në institucionet e ndërvarura nga ministritë dhe Akademia e Shkencave, institucione këto në tërësi kërkimore shkencore, të kompletohet sa më shpejt.

09.02.2006 Nënshkrimi i 400 faqeve dokumentacion të Marrëveshjes së Stabilizim-Asociimit ishte hapi i fundit përpara se Tirana të kërkojë të përfshihet nga evropianët me statusin e vendit kandidat për anëtarësim. Ministrja e Integrimit, Arenca Trashani dhe kreu i ngeociatorëve evropianë,