Lajmet e Javës

25.12.2006 Pikërisht në mesditën e së dielës, me rastin e Krishtlindjes, organizata “ÇOHU” në Sheshin Skënderbeu mbolli një pemë. Pema e mbjell është një bredh me rrënjë, të cilën “ÇOHU” e ka pagëzuar si “Pema Antikorrupsion”.

22.12.2006 Qendra EDEN me anën e projektit të titulluar “Monitorimi i pastrimit në qytetin e Tiranës” pati si qëllim unik, monitorimin e shërbimit të ofruar nga firmat private dhe zbutjen e efektit të korrupsionit (nëse ka) në këtë proces, në funksion të shërbimeve më efektive për komunitetin, i shoqëruar me objektivat përkatëse.

21.12.2006 Organizata Save the children së bashku me disa Drejtori Arsimore ka nisur projektin e përfshirjes së nxënësve në vendimarrje në 50 shkolla të vendit të rretheve Tiranë, Korçë, Vlorë, Peshkopi dhe Shkodër.

20.12.2006 Shpërthimi i depozitave të karburanteve në Shëngjin për banorët e Vlorës është dy herë shqetësim i madh. Së pari, shqetësimi për dëmet që iu shkaktuan banorëve të Shëngjinit nga ky shpërthim, jo vetëm për sot por edhe për të ardhmen, si rrjedhojë e ndotjes masive sidomos të lagunës së Kunë-Vain, një burim i rëndësishëm për ekonominë e kësaj zone, ndërkohë kur dëmi ekologjik i këtij ekosistemi mund të jetë i parikuperueshëm.

20.12.2006 Administratori i personave shurdhmemecë, Enver Kurtoloni, ka takuar të martën në Prishtinë, ushtruesin e detyrës të Ombudspersonit, Hilmi Jasharin, të cilit ia ka prezantuar pozitën e kësaj kategorie të njerëzve në shoqërinë kosovare.

19.12.2006 Ambasadori i OSBE-së Pavel Vaçek dhe Ministri i Mjedisit, Pyjeve dhe Administrimit të Ujërave Z.Lufter Xhuveli hapen zyrtarish javën e kaluar Qendrën e Informacionit Aarhus. Ambasadori Vaçek tregoi interesimin që Prezenca e OSBE-së tregon për arritjen e standarteve europiane në dhënien e informacionit sidomos për problemet mjedisore, pasi në Shqipëri problemet mjedisore kanë një gamë të gjerë, si shpyllëzimet, mbetjet urbane e ato minerare.

18.12.2006 Lëvizja MJAFT mirëpriti këtë muaj në qytetin e Gjirokastrës përfaqësues të disa NGO-ve ballkanike që punojnë në fushën e trashëgimisë kulturore. Qëllimi i këtij takimi rajonal, ishte ngritja dhe konsolidimi i një rrjeti mes të gjitha këtyre NGO-ve të interesuara për të mbrojtur përmes projekteve të ndryshme trashëgiminë kulturore në Ballkan, e cila në fakt, nuk i njeh kufijtë politikë apo ekonomikë.

18.12.2006 Koalicioni për Nxitjen e Pjesmarrjes së Grave, të Rinjve dhe Minoriteteve në Politikë organizoi Forumin e parë për Liderat e Rinj nga i gjithë spektri i politikës në Shqipëri me 15 Dhjetor, me qëllimin kryesor për të rritur bashkëpunimin dhe komunikimin ndërmjet tyre.

15.12.2006 Në kuadër të projektit “Start Negotiating”, Qendra për Zhvillimin e Shoqërisë Civile “MilenijuM”, në bashkëpunim me OJQ-në Integra nga Prishtina dhe organizatën “CRPM” nga Shkupi, prej datës 18 deri më 21 janar 2007, do të organizojë “Simulimin e dytë ndërkombëtar të negociatave”. Temë e këtij simulimi do të jetë “Liria e lëvizjes”.

14.12.2006 Posta dhe Telekomunikacioni i Kosovës, të mërkurën, në Gjykatën Ekonomike në Prishtinë, ka ngritur padi ndaj kompanisë norvegjeze që e ka blerë Mobtelin serb, Telenor, nga e cila kërkon t’ia paguajë mbi 400 milionë euro dëmshpërblim.

14.12.2006 Me rastin e 10 dhjetorit, Ditës Ndërkombëtare të Drejtave të Njeriut, Zyra e Komisionarit të Lartë të KB-së për të Drejtat e Njeriut në Serbi ka ftuar gjithë akterët relevantë shoqërorë, e posaçërisht institucionet e shtetit të luftojnë varfërinë nëpërmes mbrojtjes dhe fuqizimit të kulturës së drejtave të njeriut.

14.12.2006 Më 13 dhjetor 2006 KIPRED në bashkëpunim me Projektin e Praktikave Parlamentare Lindje - Perëndim (EWPPP) organizoi një konferencë për të promovuar punimin më të ri Ligjet pa Politika – të papërdorshme, të pazbatueshme dhe të kota.

14.12.2006 Bashkia e Tiranës promovoi të Martën me 12 Dhjetor, projektin “Internet pa pagesë dhe wireless për të rinjtë e Tiranës. Shërbimi i internetit wireless, në të cilin nuk nevojiten antena dhe kabllo fillimisht do të ofrohet pranë Qendrës Ndërkombëtare të Kulturës ose siç njihet ndryshe Piramida.

14.12.2006 Lëvizja Mjaft në Elbasan zhvilloi në komunën Bradashesh një manifestim për të kërkuar marrjen e masave të menjëhershme pas përhapjes së sëmundjes së verdhezës në një shkollë 9 vjecare të kësaj komune ku shkaku kryesor ka qenë uji i ndotur.

13.12.2006 Një diskutim mbi projekt-ligjin e ri të Policisë së Shtetit u zhvillua në fillim të muajit Dhjetor me pjesëmarrjen e gjerë të shoqërisë civile dhe me mbështetjen e Fondacionit të Shoqërisë së Hapur- Soros (OSFA). Tryeza, me tematikë “Decentralizimi & Policimi në Komunitet” debatoi mbi projekt-ligjin e ri duke e krahasuar atë me ligjin aktual të Policisë së Shtetit si dhe duke shprehur shqetësimin për një punë të mbyllur të hartuesve larg proceseve pjesemarrëse nga grupet qytetare dhe ato të të drejtave të njeriut.

13.12.2006 Me 11 Dhjetor, Instituti i Demokracisë iDEMO organizoi një tavolinë të rrumbullakët diskutimi mbi çështjet e Lirisë së Medias dhe të Drejtave të Njeriut në Kroaci – Rasti i “Glas Istre”. Ivo Banac, deputet ipavarur i Parlamentit, drejtori i iDEMOAndrea Feldman, Snijezana Matejcic reportere e “Glas Istre” ishin diskuntatët kryesorë.

13.12.2006 Me 5 deri me 11 Dhjetor u zhvillua në Tiranë Edicioni i III-të i Festivalit Ndërkombëtar i Filmit me Metrazh të shkurtër( Tirana International Film Festival-TIFF), nën përkujdesin e Ministrisë së Kulturës, Rinisë dhe Sporteve dhe Bashkisë së Tiranës.

12.12.2006 Prej datës 11 deri më 17 dhjetor në Prishtinë, do të mbahet “Java e filmit francez“, gjatë së cilës do të shfaqen 6 filma artistikë, 1 film për fëmijë, 1 film në kuadër të Kino-klubit dhe 11 filma dokumentarë.

12.12.2006 Me shtatë çmime për filmat më të mirë, të dielën mbrëma, ka përfunduar festivali i shtatë ndërkombëtar i filmit për të drejtat e njeriut "Një botë 2006". Filmi danez, "Sekreti gjerman", dhe filmi nga Mbretëria e Bashkuar, "Hetimet s'vazhdojnë", janë shpallur fitues të çmimit për filmin më të mirë dokumentar të Festivalit, ndërsa filmat "Golgota e Llapit" (Kosovë) dhe "Hapi i fundit pas paqes" i regjisorit Bahaa Ghazawy kanë, janë nderuar me çmimin për filmin më të mirë që kontribuon për të drejtat e njeriut.

11.12.2006 Para disa ditësh, një raport i Transparency International e rradhiti Shqipërinë të parën në botë për korrupsion ndër 63 vende të Botës që u përfshinë në studim, ku u evidentuan si më të korruptuara: mjekësia, gjykatat dhe policia.