Serbia

18.05.2008 Komisioni Evropian ka dhënë 50 milionë euro për veprimtari restaurimi në Ballkan. Ndërsa mjetet do të dorëzohen në periudhën 2008 - 2010.

06.05.2008 Organizatat joqeveritare serbe kanë mbështetur Marrëveshjen e Stabilizim Asociimit të nënshkruar më 29 prill, në Luksemburg, nga nënkryetari i Qeverisë së Serbisë Bozhidar Gjeliq dhe Ministri slloven i punëve të jashtme Dimitrij Rupel, në emër të BE-së.

23.04.2008 Ministria e Telekomunikacionit dhe Shoqërisë së Informacionit në Serbi (MTSHIS) ka bërë publike, se mes datave 25 mars dhe 9 prill, mbi 20.000 kopje të paketave të lokalizuara të softuerit të lirë janë shkarkuar nga serverët e saj nga qytetarët e Serbisë.

02.04.2008 Simon Grey, udhëheqës i Zyrës së BB-së në Serbi, ka thënë se Qendra për informim publik në Beograd është një hap i hap tjetër për Serbinë drejt qasjes më të madhe në informata dhe integrim në bashkësinë ndërkombëtare.

21.02.2008 Qendra e Beogradit për të Drejtat e Njeriut (BHRC) i bën apel policisë, gjyqësorit dhe ekzekutivit qeveritar të respektojnë Kushtetutën dhe ligjet kombëtare si dhe të ofrojnë sigurinë personale dhe mbrojtjen e pronës private për të gjithë qytetarët e Serbisë.

05.02.2008 Sipas raporteve preliminare të Komisionit Qendror Zgjedhor, kandidati i Partisë Demokratike Boris Tadiq ka fituar Zgjedhjet presidenciale të mbajtura të dielën me 50.57 për qind të votave, për dallim me kundërshtarin e tij nga Partia Radikale Tomislav Nikoliq i cili ka marrë 47.71% të votave.

22.01.2008 Një grup i organizatave joqeveritare nga Serbia i kanë dërguar një letër të hapur Qeverive të shteteve anëtare të BE-së, Presidentit të Komisionit Evropian, Përfaqësuesit të Lartë për Politikë të Jashtme dhe Siguri si dhe Komisionarit për Zgjerim, duke mirëpritur përpjekjet e fundit për të përshpejtuar afrimin e Serbisë në me BE-në.

08.01.2008 Në emër të Koordinimit Kombëtar të OJQ-ve të Konventës së Aaarhusit dhe Pjesëmarrjes Publike, Local Agenda 21 nga Kostolaci i ka dërguar një letër të hapur presidentit të Serbisë Boris Tadiq, duke kërkuar nga ai që të refuzojë nënshkrimin e dekretit të një pakete ligjesh në fushën e vetëqeverisjes lokale.

08.11.2007 Shumica e qytetarëve të Serbisë mbështesin integrimin e vendit në Bashkimin Evropian, por jo edhe t’i bashkëngjitet NATO-s, dëshmon anketa e opinionit publik e kryer Agjencia për Hulumtimin e Opinionit Publik Politicum, të paraqitur rishtazi në qendrën ndërkombëtare për shtyp të Tanjugut.

18.09.2007 Një grupim i organizatave joqeveritare ka apeluar tek autoritetet të ndalojnë tubimin e paralajmëruar të organizatës neo-naziste “Rreshtimi Kombëtar” (Nacionalni Stroj), të përcaktuar për 7 tetor në qytetin e Novi Sadit.

04.07.2007 Në rrethana të favorshme të fushatës “Shprehu Evropë” (Speak Up Europe), Lëvizja evropiane në Serbi, në bashkëpunim me, Lëvizjen ndërkombëtare evropiane, ka lansuar faqen e internetit “Çfarë ka bërë ndonjëherë Evropa për ne” (What has Europe Ever Done For Us).

02.04.2007 Iniciativat civile në bashkëpunim me Qendrën Evropiane për Ligjin Jo-përfitues (ECNL) nga Budapesti, në kuadër të programit të Iniciativës për avokim të shoqërisë civile – CSAI, të implementuar nga Instituti për mbështetje të komuniteteve (ISC), janë duke e përgatitur Manualin për Sistemin e tatimit për asociacionet civile në Serbi. Manuali financohet nga USAID.

27.03.2007 Pas indikacioneve se Partia Demokratike (DS) dhe Partia Demokratike e Serbisë (DSS) së shpejti do të mund të arrinin një marrëveshje për Qeverinë e re, ku Vojislav Koshtunica do të vazhdonte të mbante postin e kryeministrit, disa OJQ në Serbi u kanë bërë thirrje qytetarëve që t’iu bashkohen fushatës së tyre “Veto Koshtunica”.

22.02.2007 Në përpjekjen e zhurmshme për t’i frikësuar përkrahësit e zgjidhjes paqësore për konfliktin serbo-kosovar, gazeta udhëheqëse nacionaliste serbe, ka bërë thirrje për persekutimin e Koalicionit të Grave për Paqe, një iniciativë e përbashkët e femrave aktiviste që përkrahin pavarësinë e Kosovës.

11.01.2007 Iniciativa e të rinjve për të drejtat e njeriut, i ka bërë thirrje pushtetit në Serbi që ta ndërpresë politikën e mosndëshkimit të shkrimit të grafitëve raciste, nacionaliste dhe fashiste. Pushteti ka për obligim që të reagojë në mënyrën më të ashpër dhe t’i dënojë kryesit e këtyre veprave kriminale.

14.12.2006 Me rastin e 10 dhjetorit, Ditës Ndërkombëtare të Drejtave të Njeriut, Zyra e Komisionarit të Lartë të KB-së për të Drejtat e Njeriut në Serbi ka ftuar gjithë akterët relevantë shoqërorë, e posaçërisht institucionet e shtetit të luftojnë varfërinë nëpërmes mbrojtjes dhe fuqizimit të kulturës së drejtave të njeriut.

07.11.2006 Asociacioni i Pavarur i Gazetarëve të Serbisë (NUNS) ka formuar Seksionin që u dedikohet femrave në media. Ky seksion është ngarkuar me hulumtimin e situatës në terren dhe të veprimit nëse paraqiten çfarëdo problemesh.

01.11.2006 Referendumi për Kushtetutën e re të Serbisë ka rezultuar i suksesshëm sepse kanë votuar 51,6 për qind e zgjedhësve të regjistruar, ose 108 mijë zgjedhës më shumë se minimumi i nevojshëm, ka bërë të ditur Qendra për Zgjedhje të Lira dhe Demokraci – CeSID duke u bazuar në rezultatet e mostrave reprezentative nga 600 vendvotime.

26.10.2006 Iniciativa për bojkotimin e referendumit për kushtetutën e re të Serbisë - e filluar nga organizatat joqeveritare me seli në Vojvodinë - ka kërkuar nga autoritetet shtetërore të fillojnë hulumtimin ex-officio të incidentit që ka ngjarë në tubimin e së martës në Beograd, i cili ishte i shoqëruar me fyerje nacionale, të OJQ-ve dhe aktivistëve të partive politike që përkrahin bojkotin e referendumit.

13.10.2006 Korrupsioni në Serbi është kthyer në nivelet e saja të para 5 tetorit të 2005-ës, ka deklaruar Këshilli për Luftimin kundër Korrupsionit në letrën e tij dërguar Kryeministrit serb, Vojisllav Koshtunica.