Kosova

16.05.2008 Minoritetet joserbe që jetojnë në Kosovë janë të diskriminuara dhe nuk stimulohen për t\'u integruar në shoqërinë kosovare. Kështu kanë thënë përfaqësuesit e organizatave joqeveritare të minoriteteve jo serbe.

15.05.2008 Qeveria e Norvegjisë ka dhuruar 260 mijë dollarë amerikanë institutit të vetëm të pavarur për trajnimin e gjyqtarëve dhe prokurorëve të tashëm dhe të ardhshëm të Kosovës duke e identifikuar sundimin e ligjit si një nga shtyllat kryesore të një shoqërie.

14.05.2008 Qeveria e Kosovës thotë se i ka vënë si qëllim kryesor punës së saj transparencën, por me këtë nuk pajtohen aspak përfaqësues të shoqërisë civile.

14.05.2008 Këshilli i Komisionit të Pavarur për Media, ka shprehur brengosje lidhur me kërkesën që me datë 16 prill, zyra e kryeministrit ka lëshuar me shkrim kërkesën që tri stacionet televizive dhe katër radiot me frekuencë nacionale të transmetojnë dhe ritransmetojnë fjalimin e kryeministrit në kohë të caktuar specifike dhe në mënyrë të koordinuar, njofton KTV.

13.05.2008 Zyra e përfaqësuesit civil ndërkombëtarë, ajo e EULEX-it dhe Komisionit Evropian në Kosovë kanë filluar sot fushatën me moton \"Eja në Evropë\", e cila do të zgjasë deri më 30 qershor 2008.

13.05.2008 Në konferencën dyditore - E-qeverisja, e cila po i zhvillon punimet e saj në Prishtinë, u paraqiten përvojat e vendeve të tjera në përhapjen e rrjetit të digjitalizimit nëpër institucione. Përfaqësuesit e shumë vendeve theksuan se qeverisja elektronike është shumë më efikase dhe domosdoshmëri që duhet të funksion.

13.05.2008 Njëra ndër kërkesat e Asociacionit të Infermierëve kosovarë, në Ditën Ndërkombëtare të tyre, e cila u mbajt dje, ishte vetëdijesimi i institucioneve të Kosovës, që të merren seriozisht me rishikimin e politikave shëndetësore dhe të sigurojnë kushte më të mira në punë.

12.05.2008 Më 6 Maj 2008, KIPRED-i organizoi lansimin e punimit ‘Analizë e Strukturës Institucionale të Procesit së Politikbërjes për Integrime Evropiane në Kosovë’.

12.05.2008 Sistemi i qeverisjes elektronike do ta bëjë Kosovën që të arrijë standardet evropiane të zhvillimeve të demokracisë, u tha në konferencën ndërkombëtare “E-qeverisja” që mbahet sot dhe nesër në Prishtinë. Me këtë sistem të qeverisjes, sipas organizatorëve të kësaj konference, Kosova përfundimisht do të futet në një rrugë drejt së cilës aspirojnë, jo vetëm vendi ynë por edhe shumë vende tjera.

09.05.2008 Për nder të 9 Majit, Ditës së Evropës, manifestimi qendror është mbajtur në Fakultetin e Filologjisë në Prishtinë, ku kanë marrë pjesë përfaqësues institucionesh dhe organizatave të shoqërisë civile kosovare.

08.05.2008 Projekti për Marrëdhënie Etnike me seli në Prinston të SHBA-së, nesër në Prishtinë organizon një tryezë të rrumbullakët me përfaqësues politikë mbi marrëdhëniet etnike në Kosovë.

07.05.2008 Duke filluar nga 14 korriku e deri më 1 gusht të këtij viti do të organizohet Edicioni i Tetë i Universitetit Veror të Prishtinës.

05.05.2008 “Pos çështjeve të sigurisë, pjesëtarët e KFOR-it, edhe më tej do të përkujdesen për shumë çështje sociale, e posaçërisht të personave me nevoja të veçanta”, tha komandanti i KFOR-it, Xavier Bout de Marnhac, pas vizitës që sot i bëri organizatës joqeveritare kosovare “Hendikos”.

05.05.2008 Në Ditën Botërore të Lirisë së Shtypit, 3 Maj, u vlerësua se mediet në Kosovë kanë presion të vazhdueshëm nga politika. Përfaqësuesit e medieve paraqitën shqetësimet e tyre për raportin e krijuar mes medieve dhe politikës.

30.04.2008 Me anë të një komunikatë për media, Lëvizja VETËVENDOSJE! ka njoftuar se sot rreth orës 16:45 në Prizren, në mënyrë të dhunshme, janë arrestuar 7 aktivistë të saj nga ana e Shërbimit Policor të Kosovës (SHPK), siç thuhet, vetëm për arsye se në qytet kishin ekspozuar fotografi nga aktivitetet e kësaj Lëvizje.

30.04.2008 Me përkrahjen e Fondacionit Kosovar për Shoqëri të Hapur (KFOS), dhe si rezultat i marrëveshjes me MASHT, këtë vit filloi edhe projekti për monitorimin e implementimit të Strategjisë për integrimin e komuniteteve RAE në arsim, të aprovuar vitin e kaluar nga MASHT. Qëllimi i këtij projekti është të hartohet një kornizë për monitorimin e kësaj strategjie, si dhe të angazhohet shoqëria civile të përcjellë për së afërmi zhvillimet në këtë fushë.

29.04.2008 Me qëllim të nxitjes së bashkëpunimit dhe bashkëjetesës në mes të komuniteteve që jetojnë në komunën e Pejës dhe në radhën e aktiviteteve të shumta që kjo organizatë implementon për qytetarët është organizuar edhe turniri shumetnik i futbollit ‘Play for Peace’ (në shqip: Luaj për Paqe).

29.04.2008 Bashkimi i Sindikatave të Pavarura të Kosovës (BSPK) ka njoftuar sot se i ka bërë të gjitha përgatitjet e duhura për protestën e cila do të organizohet me rastin e Ditës Ndërkombëtare të Punës - 1 Majit.

22.04.2008 Tavolo Trentino con il Kossovo (TTK) me zyrat e saja në Pejë është bërë organizata e parë e shoqërisë civile në Kosovë që ka migruar në sistemin operativ Linux, nëpërmes një trajnimi të kryer nga trajnerët e OneWorld Platforma për Evropën Juglindore (owpejl) – Jordanka Petrushevska dhe Sanjin Buzo, prej 14 deri më 18 prill.

18.03.2008 Një pjesëtar i policisë së Kombeve të Bashkuara në Kosovë ka vdekur nga plagët e marra në përleshjet e dhunshme me demonstruesit serb në qytetin e Mitrovicës. Derisa, më shumë se 150 njerëz, përfshirë personelin e NATO-s dhe të OKB-së janë plagosur të hënën gjatë përleshjeve në mes të paqeruajtësve dhe serbëve që kundërshtojnë pavarësinë e Kosovës.