Arkiva e lajmeve

31.08.2004 Takimi i studentëve shqiptarë në botë, të organizuar në rrjetin ASAN është shoqëruar dje në mbrëmje me replika mes një përfaqësie të studentëve që nuk kanë marrë vizat në Ambasadën italiane dhe kryeministrit Fatos Nano. Kryeministri është detyruar të ndërpresë fjalën në takimin e Konventës rinore të organizuar nga Ministria e Kulturës, pasi në sallën ku zhvillohej takimi festiv, janë futur disa prej studentëve, që prej disa ditësh protestojnë për mosmarrjen e vizave nga Amdasada Italiane, për të vazhduar studimet në universitet italiane.

31.08.2004 Kryeministri Fatos Nano, gjatë takimit vjetor me titullarët e përfaqësive diplomatike të Shqipërisë sot kërkoi më shumë aftësi konkururese dhe profesionalizëm. Kryeministri Nano tha se 'ky takim duhet t'i shërbejë rritjes së dimensionit real të diplomacisë shqiptare në botë, perfeksionimit të shërbimit tonë të jashtëm, për t'i krijuar hapësira zhvillimit dhe integrimit europian të vendit'. Kryeministri kërkoi një rol në rritje të përfaqësive tona në ndryshimin e imazhit të vendit tonë, jashtë kufijve.

30.08.2004 Qeveria e Malit të Zi i dërgon një notë proteste Bashkisë së Shkodrës në lidhje me derdhjen e ujërave të zeza në liqen. Sipas saj, një veprim i tillë bën që jo vetëm të ndotet uji i liqenit, por të zhdukë edhe disa specie të rralla.

30.08.2004 Kaosi i emigrantëve, i krijuar në portin e Durrësit, për shkak të shitjeve të biletave mbi kapacitetin, por dhe nga fluksi i madh i pasagjerëve, është zhvendosur dje në portin e Vlorës. Rreth 1500 pasagjerë kanë udhëtuar nga Durrësi për në Vlorë, pas kontakteve të agjencive respektive kosovare, por janë detyruar të qëndrojnë aty (në Vlorë) për 12 orë me radhë, për shkak të burokracive, sipas pasagjerëve. Sipas pasagjerëve kosovarë, orët torturuese të pritjes për të lundruar drejt vendeve perëndimore ku ata jetojnë dhe punojnë kishin nisur që në portin e Durrësit, prej të cilit ishin larguar pasi tragetet nuk kishin vende për imbarkimin e tyre.

27.08.2004 Presidenti i Republikes, Alfred Moisiu ka marre dje, nje ftese nga homologu i tij rus, Vladimir Putin per te marre pjese ne kremtimet me rastin e 60 vjetorit te fitores ne Luften e Madhe Patriotike, qe do te mbahen ne Moske me 9 Maj 2005. Kete ftese I'a percolli kreut te shtetit shqiptar, Ambasadori i Federates Ruse ne Tirane, Vladimir Tokin, gjate nje takimi te zhvilluar dje ne ambjentet e Presidences

26.08.2004 Korrespodenti i gazetës Shekulli, Ylber Lili, është shpallur dje “person i padëshiruar” nga shteti maqedon. Atij dhe bashkëshortes Adelina Lili, e cila punonte shefe kabineti e z.Arbën Xhaferri, u është dhënë ultimatumi nga autoritetet e Shkupit, që të largohet nga Maqedonia si person ‘non grata’. Në bazë të vendimit të autoriteteve policore maqedone, ata nuk kanë të drejtë të shkelin në Maqedoni për 5 vitet e ardhshme.

25.08.2004 Kryeministri Nano ka marrë mesazh nga William Lash, Asistent i Sekretarit të Departamentit të Tregtisë të SHBA-së. Në këtë mesazh z.Lash shprehet se “marrëdhëniet SHBA-Shqipëri janë shumë të forta. Shqipëria ka demonstruar gjithmonë se është një mik dhe partner i mirë i Shteteve të Bashkuara.

25.08.2004 Presidenti i Republikës, Alfred Moisiu zhvilloi dje një takim me Ministrin e Transporteve të Qeverisë së Kosovës, Zef Morina. Gjatë bisedës së zhvilluar, Presidenti Moisiu vuri në dukje se ndjek me vëmendje zhvillimet në Kosovë, hapat që hidhen në drejtim të konsolidimit të shoqërisë demokratike shumetnike, të strukturave qeverisëse dhe vetqeverisëse. “Qetësia dhe stabiliteti në Kosovë, do të thotë qetësi dhe stabilitet në të gjithë rajonin”, - theksoi Moisiu.

24.08.2004 Ka perfunduar me sukses turneu i Ansamblit tone Kombetar te Kengeve dhe Valleve Popullore ne Festivalin Nderkombetar "Cetinje 2004" ne Malin e Zi, qe u zhvillua ne datat 20, 21 dhe 22 gusht. "Ansambli yne u prit mjaft mire, ishte nga me te suksesshmit, edhe fale pranise se mijera shqiptareve qe jetojne ne Mal te Zi. Ata na priten me brohoritje, flamure dhe me nje ngrohtesi tipike shqiptare", shprehet Haxhi Dalipi, drejtori i ketij ansambli.

23.08.2004 Zëdhënësi i Kryemisnistrit, Aldrin Dalipi, deklaroi në një konferencë për shtyp se kryeministri Fatos Nano ka urdhëruar fillimin e hetimit administrativ për zbulimin e shkaqeve të avarisë së tragetit "Antonio" që lidh Sarandën me Korfuzin" dhe më pas të hetimit penal.

23.08.2004 88 personat e ndodhur në anijen "Antonio", pasagjeret dhe ekuipazhi, kanë shpëtuar nga mbytja, pas një defekti në motor dhe detit të trazuar. Sipas burimeve policore, trageti i linjës Sarandë-Korfuz, ishte nisur rreth orës 14:30 nga porti i Sarandës, por pak km larg tij, motori ishte përfshirë nga flakët. dallgët e detit që arrinin deri në 6 ballë, e kishin përplasur tragetin në disa shkëmbinj në brigjet e Ksamilit

20.08.2004 Filatelia kombetare kronologjikisht i ka fillimet e saj 90 vjet me pare. Ajo perkon gati vit me vit me ekzistencen e vete shtetit modern shqiptar. Kjo nuk ishte ndonje cudi, kur mendon se nje nga dikasteret e para te qeverise se Ismail Qemalit ishte dhe Ministria e Post-Telegrafeve, qe drejtohej nga Lef Nosi. Por, ne kushtet primitive, me te cilat hasej fillimisht shteti shqiptar, nuk mund te flitej per nje poste te mirefillte.

20.08.2004 Ne Festivalin e Filmit ne Sarajeve, qe do te mbahet ne datat 21-29 Gusht. Filmi "Nate pa hene" do te prezantoje per here te pare kinematografine shqiptare ne edicionin e gjashte te ketij Festivali ne Sarajeve, i cili nga viti ne vit po kthehet ne nje nga festivalet me prestigjoze te kinematografise europiane.

19.08.2004 Danimarka është treguar e gatshme të ndihmojë vendin tonë në proçesin e ndarjes së re administrative territoriale. Lajmi bëhet i ditur nga zyra e shtypit te Ministrisë së Pushtetit Vendor e Decentralizimit, pas vizitës që ministri Blushi ka bërë në këtë vend. Sipas një njoftimi për shtyp, bëhet e ditur se në takimin e djeshëm në Kopenhagen është diskutuar për reformën në ndarjen administrative, ndërkohë që edhe Danimarka është në mes të proçesit për reduktimin e komunave dhe bashkive.

19.08.2004 Kalimi i studentëve nga një vit akademik në tjetrin, nuk do të matet më vetëm me nota, por edhe me kredite. Që një student të quhet kalues e natyrshëm të kalojë nga një vit në tjetrin duhet që të fitojë patjetër 30 kredite. Sipas një udhëzimi të nxjerrë dje nga ministri i Arsimit dhe Shkencës, Luan Memushi për organizimin e studimeve në shkollat e larta për sistemin me kohë të plotë, cikli i ri i studimeve sipas kërkesave të “Deklaratës së Bolonjës” do të nisë që këtë vit akademik. Degët e para që do të zbatojnë këto kërkesa do të jenë infermieria, cikli i ulët dhe ai parashkollor.

18.08.2004 Rikthehet arsimi i mesëm pa shkëputje nga puna, i njohur në zhargonin popullor si shkollat e natës. Të gjithë ata që, pas mbarimit të arsimit tetëvjeçar, për një apo një tjetër arsye nuk kanë mundur të ndjekin shkollat e mesme të përgjithshme, tani kanë një tjetër shans për të mos mbetur me tetë klasë. Burimet zyrtare të Ministrisë së Arsimit dhe Shkencës kanë bërë të ditur dje se ky sistem rikthehet pas një ndërprerjeje dyvjeçare dhe synon të mbledhë rreth vetes një numër të konsiderueshëm nxënësish.

18.08.2004 Ka ardhur koha qe ne Shqiperine veriore te kete nje zyre konsullore serbo-malazeze. Pas kerkeses te perseritur prej vitesh te shoqates "Rozafa Moraca" qe permbledh ne vetvete pakicat serbo-malazeze te veriut shqiptar, zeri vjen kesaj radhe nga pala serbo-malazeze. Zevendesministri i jashtem serb ka deklaruar keshtu ne nje interviste dhene radios "Europa e Lire". Ai ka kerkuar hapjen e nje zyre konsullre ne Shkoder per kryerjen e procedurave diplomatike dhe sherbimet e ambasades ne menyre te vecante per pakicat serbo-malazeze qe jetojne ne Shkoder dhe ne rrethet veriore te Shqiperise.

16.08.2004 Shkarkimet e lëndëve organike në detin e rivierës, dhe ndotja e shkaktuar në pjesë të konsiderueshme të bregdetit të Jonit, kanë shkaktuar indinjatë te shoqëria civile e më gjerë. Në një deklaratë, përfaqësuesve te Keshillit Rinor Shqiptar dhe perfaqsuesve të shoqërisë civile dhe krerëve te disa OJQ-ve, kanë bërë të ditur se në mesditën e sotme, do të mblidhen para ambasadës së shtetit grek, për të protestuar kundra ngjarjes, që nga ana e tyre është cilësuar si një akt terrorist.

16.08.2004 Derdhja e lëndëve hidrokarbure përgjatë bregdetit të Jonit, që ndodhi gjatë javës së kaluar, mund të ketë qenë e qëllimshme dhe e organizuar. Në një deklaratë të ditës së djeshme, një prej inspektorëve të Agjensisë Rajonale të Mjedisit (ARM) të Vlorës, është shprehur se derdhja e hidrokarbureve ka dy shpjegime, ku sipas tij nuk përjashtohet mundësia e porositjes nga agjenci të huaja turistike, me qëllim ndotjen dhe frenimin e turizmit vendas. Hektor Harizaj i cili aktualisht mban postin e inspektorit të mjedisit në ARM-në e rrethit të Vlorës, është shprehur dje se sipas tij ngjarja ka vetëm dy shpjegime, ku njëri prej tyre ndahet në dy variante.

06.08.2004 Qeveria nuk po con para drejtësisë të korruptuarit dhe nese nuk do të ketë zgjedhje të lira e të ndershme, s'ka firmosje të marrëveshjes së stabilizim asociimit me BE vitin e ardhshëm. Ky ka qene paralajmerimi i ambasadorit te BE ne Tirane Luz Salzman. Salzman i beri keto deklarata pas njoftimeve per ekzistencen e letres se komisionerit të lartë Kris Paten drejtuar kryeministrit Fatos Nano per luften kunder krimit te organizuar ne Shqiperi.