Arkiva e lajmeve

11.03.2005 “Our prime has a job to do here”, është motoja që po qarkullon këto ditë në rrugët e Prishtinës, madje edhe në Qeverinë e Kosovës, në të cilën ishte ditë më parë ishte kryeministër Ramush Haradinaj, i cili ka udhëtuar dje për në Hagë, pas akuzimit të tij nga Tribunali i Hagës për krime Lufte në ish-Jugosllavi. Që nga intervistimi disa muaj më parë i Hardinajt nga ky Tribunal në Prishtinë, është spekuluar se në rast të ngritjes së ndonjë aktakuze për të, kjo do të mund të qonte në përkeqësimin e sigurisë në vend. Por, deri më tani duket se qytetarët e Kosovës, kanë dëgjuar mesazhet e ish-kryeministrit Haradinaj, i cili tha se Kosova duhet të bëjë progres sa më të shpejtë, dhe porositi bashkësinë ndërkombëtare që sa më shpejt ta njeh pavarësinë e Kosovës.