Opinione dhe analiza

20.05.2008 Disa sugjerime në prag të krijimit të Agjensionit të Kosovës të Inteligjencies (AKI) që kanë qenë të nxitura nga kuloare të ndryshme për përfshirjen e militantëve partiak në këtë agjension e shndërrojnë atë në një mjet të zakonshëm për të vazhduar kontrollin e partive politike ndaj resurseve ekonomike, sikundër ka ndodhur gjatë këtyre shtatë viteve. Struktura të partive politike në Kosovë, pas lufte, kanë funksionuar si struktura paralegale të sigurisë dhe në rast se një strukturë militare nuk është legale ajo nuk është tjetër veçse krim i organizuar. Luftimi i krimit të organizuar ka ngelur sfida më e madhe për Kosovën dhe kjo është reflektuar edhe në raportet e progresit të Komisionit Evropian.

13.05.2008 Nga mediumi i lirë buron shumëllojshmëria e mendimit në një shoqëri demokratike, e cila funksion në saje të një publiku aktiv politik, që është në gjendje të vendos dhe të veprojë në mënyrë autonome. Në kuadër të sistemit demokratik, që është një proces i dialogut dhe i vendimmarrjes, mediumet masive luajnë një rol strategjik për sistemin politik dhe në përhapjen e pikëpamje të ndryshme. Për partitë politike kjo do të thotë garë për fuqinë politike dhe në rastin më të mirë për të bërë qeverinë, respektivisht për të implementuar objektivat programore.

09.05.2008 Mesazh nga Anëtaret e Lobit Rajonal të Grave për Paqe, Siguri dhe Drejtësi në Evropën Juglindore në lidhje me zgjedhjet e ardhshme në Serbi.

06.05.2008 “Rinia është ardhmëria e Kosovës” - kjo është një fjalë, te cilën shpesh e dëgjojmë në Kosovë nga shumica qytetareve, por në të shumtën e rasteve edhe nga ana e politikaneve dhe zyrtareve te ndryshëm qeveritar. Në përgjithësi rinia sot ne Kosovë nuk është konsideruar partner serioz në zgjidhjen e problemeve sociale, ekonomike dhe politike, por me shumë është parë nga institucionet si pjesë e problemit të përgjithshëm.

26.03.2008 Kur përmendet togfjalëshi shoqëri civile ai nënkupton çdo lloj organizimi që është joshtetëror, por gjithashtu zgjon konotacionin e shoqërisë ku sundon presioni i opinionit publik dhe rendi ligjor.

26.03.2008 Propozimi i fundit i kryeministrit Thaçi rreth përbërjes së Bordit të AKM-së siç është raportuar në media krijon një pikëpyetje të madhe për përkushtimin e kësaj qeverie për ta luftuar korrupsionin, letër kjo me të cilën PDK erdhi në pushtet.

25.02.2008 Pas entuziazmit kolektiv dhe festimit disaditor, pavarësia e Kosovës është transferuar nga rrafshi simbolik në atë praktik. Çështja kryesore për qytetarët e Kosovës tash është Kushtetuta - dokumenti i cili do t’i definojë të drejtat dhe liritë themelore, si dhe rregullat dhe parimet fundamentale të ekzekutivit, legjislativit dhe gjyqësorit në shtetin e Kosovës.
Pas disa muajve të punës së Komisionit Kushtetues të Kosovës, aktualisht është intensifikuar fushata e informimit publik për draft-Kushtetutën. Debatet e vazhdueshme publike nëpër qendrat e ndryshme të Kosovës, janë duke zgjuar interesim të qytetarëve, të cilët me dhënien e komenteve për aspektet e caktuara të draft-Kushtetutës janë duke ndikuar në përcaktimin e formës përfundimtare të Kushtetutës.

25.02.2008 Pas shpalljes së pavarësisë së Kosovës dhe reagimit „spontan\" të asaj që kryeministri e cilësoi si “mllef dhe hidhërim”, pas ambasadave të thyera, linçit publik politik ndaj atyre me mendime të tjera politike, si dhe thirrjes deklarative për “paqe dhe protesta paqësore, Serbia tashmë e ka prekur pikën më të ulët të katandisjes së saj. Problemi më i vogël për ne është që gjatë dekadave të kaluara jemi mësuar të shohim dhunë, që çdo ditë ta përjetojmë dhe që spontanisht t\'ia shkaktojmë atë të tjerëve përreth nesh. Problemi më i madh ndërkaq është se politika shtetërore e Sllobodan Millosheviqit, politika e dhunës, është kthyer zyrtarisht si politikë kryesore dhe nxitëse rreth të cilës ekziston konsensusi i kryetarit demokrat Tadiq, i atij që për pak u bë kryetar, Tomislav Nikoliq, por edhe i të gjithë të tjerëve që ndoqën Vojisllav Koshtunicës në përpjekjet për ruajtjen e Kosovës.

14.02.2008 Në disa paraqitjet e fundit kryeministri Hashim Thaçi ka ndërtuar një retorikë të ashpër kundërkorrupsion gjë që madje nuk është parë as në kohën e fushatës zgjedhore. Natyrisht një retorikë e ashpër kundërkorrupsion për herë të parë vjen nga institucionet kosovare dhe aq më parë nga kryeministri. Një gjuhë e ashpër deri tashti ka karakterizuar kritikuesit e pavarur të institucioneve kosovare, sidomos median dhe një pjesë të shoqërisë civile. Përkundër një efekti pozitiv të krijimit të një distancimi nga qeverisja e korruptuar, megjithatë ekziston një kontradiktë në shfaqjet e ditëve të fundit të kryeministrit Thaçi.