Lajme nga partnerët

04.05.2007 Në lagjen “Llazoviq” të komunës së Pejës ka nisur puna për kthimin e të zhvendosurve serbë. Në këtë lokalitet Këshilli Danez për Refugjat - DRC-ja ka hartuar letrën përmbajtjesore për kthimin e 30 familjeve serbe me përafërsisht 120 banorë.

30.01.2007 Këshilli për Mbrojtjen e të Drejtave dhe Lirive të Njeriut – KMDLNJ i është drejtuar sot me një letër sekretarit të përgjithshëm të OKB-së, Ban Ki-Moon, ku është ankuar për hallin e pensionistëve të Kosovës.

18.01.2007 Këshilli për Mbrojtjen e të Drejtave dhe Lirive të Njeriut, nëpërmjet një komunikate të lëshuar për media sot, ka shfaqur dyshimin se, me ndërtimin e termocentralit “Kosova C” jo se nuk do të kemi një mjedis hapësinor më të pastër, por ndotja e ajrit do të arrijë shkallën që do të shkaktojë ndryshime të mëdha.

06.12.2006 Në muajin nëntor ka përfunduar projekti tetë-mujor “Plani i veprimit për riintegrim” në lagjen “7 Shtatori” në Pejë, që kryesisht ka pasur të bëjë me socializmin e jetës se personave të kthyer. Ky projekt është realizuar nga organizata joqeveritare “Syri i Vizionit” në bashkëpunim me DRC-në (Këshillin danez për refugjatë) dhe Programin e Iniciativës Kosovare (KIP).

04.12.2006 Në lagjen “7 Shtatori” të Pejës, të banuar me komunitete të përziera, OJQ-të ”Syri i Vizionit” dhe “Vizioni 02” kanë punësuar 14 persona në kuadër të projektit “Zhvillimi ekonomik përmes punësimit”.

09.11.2006 Me anë të një prononcimi për media, Këshilli për Mbrojtjen e të Drejtave e të Lirive të Njeriut - KMDLNJ i ka cilësuar kërkesat e grevës së punëtorëve të Qendrës Klinike Universitare në Prishtinë si plotësisht të arsyeshme dhe të realizueshme.

07.11.2006 Edicioni i sivjetmë i Festivalit Ndërkombëtar për të Drejtat e Njeriut “One World”, do të mbahet prej datës 4 deri më 10 dhjetor në Prishtinë.

02.10.2006 Nëpërmes projektit “Zhvillimi ekonomik përmes punësimit në lagjen - 7 Shtatori” të organizatës joqeveritare, “Syri i Vizionit” nga Peja në bashkëpunim me organizatën partnere, “Vizioni” nga Istogu, ka filluar të zbutet problemi i punësimit të kthyerve dhe vendasve në një ndër lagjet më gjendjen më rëndë sociale e ekonomike të Pejës.

23.09.2006 Nën organizimin e organizatës joqeveritare ”Syri Vizionit” u organizua turniri shumetnik i futbollit me banorët e lagjes “7 Shtatori” të qytetit të Pejës.

09.03.2006 Paralelisht me negociatat zyrtare mbi statusin e ardhshëm të Kosovës në mes të Beogradit dhe Prishtinës, dy organizata të grave, Gratë në të Zeza nga Serbia dhe Rrjeti i Grupeve të Grave të Kosovës, njoftuan se ato do të kanë negociatat e tyre në çështjet e njëjta.

02.03.2006 Ambasadori Rolf Ekeus, Komisionar i Lartë i OSBE-së për pakica kombëtare, ka vizituar dje Institucionin e Ombudspersonit në Prishtinë, me ç’rast u takua me ushtruesin e detyrës së Ombudspersonit, z. Hilmi Jashari.

22.02.2006 Me qëllim të çrrënjosjes së analfabetizmit në komunitetin e lagjes “7 Shtatori” të Pejës, organizata joqeveritare Syri i Vizionit” gjatë periudhës nëntor 2005 – shkurt 2006 ka zbatuar një kurs me tri grupe qytetarësh: gra, të rinj dhe të rritur, me pjesëmarrje të 45 personash. Kursi është organizuar në “Qendrën e Komuniteteve” të kësaj lagjeje.

21.02.2006 Organizata joqeveritare “Iniciativa për progres” (INPO) e Ferizajt, ka marrë pjesë ditëve të fundit në një sërë patrullimesh të pjesëtarëve të Shërbimit Policor të Kosovës, për të parë sjelljen ndërmjet policisë dhe qytetarëve.

13.01.2006 Partnerët Shqipëri ka nisur programin e trajnimeve për vitin 2006, në kuadër të programit teë saj mbi demokracinë. Pjesëmarrës të këtyre trajnimeve mund të jenë përfaqësues të OJF-ve shqiptarë, të punësuar në to, anëtarë të bordeve të tyre etj.

09.01.2006 Djemtë dhe vajzat energjikë të lëvizjes Mjaft, tashmë jo vetëm në Tiranë por edhe në Londër. Një grup të rinjsh që jetojnë dhe studiojnë në kryeqytetin britanik, të mbështetur nga lëvizja Mjaft në Tiranë u mblodhën për të formuar "Mjaft London Club".

08.12.2005 Rrjeti i Grupeve të Grave të Kosovës – RRGGK, ka mbajtur të shtunën në Prishtinë, Kuvendin e tretë zgjedhor, ku është analizuar puna e Rrjetit, janë përzgjedhur anëtare të reja të Bordit si dhe janë përcaktuar bazat e programeve që do të zbatohen gjatë vitit 2006.

06.12.2005 Në hapësirën e kinemasë ABC 1 të kryeqytetit të Kosovës, mbrëmë nisi Festivali i Gjashtë Ndërkombëtar i Filmit Dokumentar – “Një Botë” i cili organizohet nën patronatin e Këshillit për Mbrojtjen e të Drejtave dhe Lirive të Njeriut – KMDLNJ.

01.12.2005 Këshilli për Mbrojtjen e të Drejtave dhe Lirive të Njeriut - KMDLNJ prej 5 deri më 10 dhjetor, 2005 në Prishtinë organizon “Festivalin e Gjashtë Ndërkombëtar të Filmit Dokumentar për të Drejtat e Njeriut – Një Botë”. Gjatë këtyre ditëve do të shfaqen 30 filma dokumentar nga mbarë bota që trajtojnë fushat e drejtave të njeriut si dhe do të organizohen diskutime, debate me ekspertë vendor e ndërkombëtarë dhe koncerte të ndryshme.

28.11.2005 Në kuadër të projektit “Vazhdimi i konkretizimit të planit të aksionit përmes rritjes së kontaktit” i zbatuar nga organizatat: “Syri i Vizionit” nga Peja, “Vision 02” nga Istogu dhe “Jug” nga Kraljeva ditë më parë përfundoi vizita pesëditore e të rinjve të zhvendosur serb nga fshatrat Kosh dhe Berkovë të Komunës së Istogut dhe Klinës respektivisht, që momentalisht jetojnë në Kraljevë e Kragujevc të Serbisë.

16.11.2005 Mediat kosovare nuk janë një levë e fuqishme e promovimit dhe fuqizimit të të drejtave të fëmijëve në Kosovë. Kështu është thënë, të martën, në një tryezë të rrumbullakët të organizuar nga Qendra për Arsim e Kosovës (KEC), ku mediat janë gjetur në qendër të kritikave.