“Nëse nuk do të mund të isha i aftë të isha vërtetë si çdokush tjetër, atëherë do të isha si vetja ime dhe do të bëja maksimumin.” Christy Brown, Këmba ime e Majtë

Njerëzit me nevoja të veçanta jetojnë në të gjitha shoqëritë në botë, pavarësisht nëse në luftë ose jo. Në Ballkan, ku sistemi shtetëror dhe shoqëritë në një proçes të vazhdueshëm konsolidimi, interesimi i komunitetit për të drejtat e njeriut dhe nevojat e kësaj kategorie njerëzish janë në nivele të pakënaqshme. Beteja për të drejtat njerëzore të personave me nevoja të veçanta është pjesë e luftës për mirëqenien e përgjithshme të shoqërisë, sikurse edhe për plotësimin e përgjithshëm e të drejtave njerëzore.

Krijimi i një mjedisi shoqëror i cili do të siguronte për respekt të gjitha të drejtat njerëzore të personave me paaftësi dhe zbatimin e standardeve të OKB-së në mundësi të barabarta për të gjithë personat me paaftësi, përmes mbështetjes psiko-sociale të të gjithë personave me forma të ndryshme paaftësish dhe antarët e familjeve të tyre, janë kushte për krijimin dhe zhvillimin e një shoqërie demokratike dhe njerëzore. Një shoqëri e tillë është e detyruar të sigurojë për personat me paaftësi një mundësi për integrim të plotë dhe të drejta të barabarta si të drejtat e personave me aftësi fizike të plota.

Katastrofat e shkaktuara nga luftërat, varfëria, emigrimi i popullsisë, të gjitha kanë kontribuar në keqësimin e kushteve të jetesës për këtë popullsi të vogël në Ballkan. Shtetet e shkatërruara dhe sistemet e tyre nuk janë përkujdesur mjaftueshëm për nevojat themelore të këtyre njerëzve, i cili është një faktor tjetër barrë në gjendjen e përgjithshme social-ekonomike. Injoranca, përkujdesja e mangët, diskriminimi, paragjykimi i popullsisë së përgjithshme janë disa nga problemet e hasura nga personat me paaftësi.
Lexo më tepër.

26.06.2008 Hendikos-i në bashkëpunim me Ministrinë e Arsimit Shkencës dhe Teknologjisë dhe me përkrahje të UNICEF-it ka finalizuar projektin ‘Qasje e barabartë në arsim’.

16.11.2007 Drejtori menaxhues i PTK Sh.A. - dr. Etrur Rrustemaj, pas nënshkrimit të këtij memorandumi, ka thënë se PTK-ja ka ndërmarrë këtë hap me qëllim që edhe të verbëritë të ndjehen pjesë e shoqërisë sonë.

27.09.2007 Hiljmnijeta Apuk është presidente e organizatës joqeveritare Njerëzve të Vegjël të Kosovës (Little People of Kosova - LPK). Apuk është eksperte për çështje të drejtave të njeriut për personat me nevoja të veçanta dhe anëtare e Komitetit Ad Hoc të themeluar nga ana e Asamblesë së Kombeve të Bashkuara.

26.10.2006 Më 30 tetor, në mjediset e Hotelit “Grand” , prej orës 10:30 deri në 14:00 mbahet Manifestimi Qendror i Fushatës “Tetori – Muaji i Mundësive Profesionale të Personave me Aftësi të Kufizuara”. Ngjarja organizohet nga OJQ-të zbatuese të projektit “Little People of Kosova (LPK), SHPAK “Hendifer”, Asociacioni ndërkomunal i të verbërve - Prishtinë, Qendra për edukim e shurdh-memecëve “Nëna Terezë - Prizren dhe Qendra e resurseve dhe shkolla e të verbërve – Pejë.