Bashkëpunimi i mediave Beograd-Prishtinë

Gazetarët dhe redaktorët nga një numër i mediave të Beogradit dhe Prishtinës janë bërë bashkë dje në takimin “Dialogu i Mediave Beograd-Prishtinë”, i cili është organizuar në Beograd nën patronazhin e Dialogut Civil. Pjesëmarrësit e kësaj ngjarjeje kanë vlerësuar se mediat nga Kosova dhe Serbia duhet të bashkëpunojnë dhe të shkëmbejnë informata. Dialogu civil Ngjarja zyrtarisht është hapur nga përfaqësuesit e organizatave që bashkëpunuan për projektin, Qendra për Rajonalizim, Shoqata Humanitare e Bamirëse “Nënë Tereza” dhe Misioni i OSBE-së në Kosovë. Sipas Zef Shalës, drejtor i Shoqatës “Nënë Tereza”, një formë e mundshme e bashkëpunimit të ardhshëm duhet të jenë projektet e përbashkëta, mbi të cilat duhet të hapen konkurrime për tender në një të ardhme të parashikueshme. Shala ka thënë se do të ishte e nevojshme që projektet e tilla të janë të zbatuara bashkërisht nga së paku një medium nga Serbia dhe një nga Kosova, dhe se përfshirja e më shumë se një mediumi do të ishte më shumë se e mirëseardhur. Konkludimi i përbashkët ishte se opinioni publik serb duhet të jetë më mirë i informuar për ngjarjet në Kosovë dhe reciprokisht. Projekti për Bashkëpunimin e Mediave të Beogradit dhe të Prishtinës fokusohet në bashkëpunim e rinuar në mes të sektorëve civile të Kosovës dhe Serbisë, krijimin e një ambienti të mirëbesimit dhe tolerancës, si dhe normalizimin e marrëdhënieve të përgjithshme në vend dhe në rajon në përgjithësi.

Komentet e përdoruesve