Dialogu në mes të studentëve të Kosovës dhe Serbisë në Frushka Gorë

Novi Sad (Beta) – Në Frushka Gorë të Vojvodinës po mbahet konferenca ndërkombëtare Dialogu Civil Kosovë-Serbi, në të cilin po marrin pjesë studentë nga Kosova, Serbia, dhe Maqedonia. Sekretari krahinor i Vojvodinës për shkencë, Dragosllav Petroviq të mërkurën i ka pritur pjesëmarrësit e takimit dhe ka vlerësuar se ngjarjet nga dekada e kaluar në Ballkan “përkojnë me themelet e civilizimit dhe duhet të jetë obligim për autoritetet e Serbisë që të krijohen kushte për prosperitet të shoqërisë dhe parakushte, në mënyrë që këso lloj ngjarjesh të mos përsëriten më”. Koordinatori i konferencës Sërgjan Veznar ka thënë se ideja për organizimin e kësaj konference ka lindur pas vizitës së studentëve nga Novi Sadi në Prishtinë. Njëkohësisht, ai ka paralajmëruar se në tetor studentët e Universitetit të Novi Sadit do të vizitojnë Prishtinën “në përpjekje që të ndërtohet komunikim më i mirë dhe që të zgjerohet dialogu social i sa më shumë të rinjve”.

Komentet e përdoruesve