Ombudspersoni shpall “Fushatën për Vetëdijesimin e të Drejtave të Fëmijëve”

Duke përkuar me fillimin e vitit të ri shkollor 2005/2006 në Kosovë, Grupi për të Drejtat e Fëmijëve (GDF) në Institucionin e Ombudspersonit në Kosovë shpall rifillimin mbarë kosovar të "Fushatës për vetëdijesimin e të drejtave të fëmijëve. Qëllimi i kësaj fushate është që të bëjë shpërndarjen e informacioneve në lidhje me aktivitetin e GDF-së brenda Institucionit të Ombudspersonit në Kosovë drejtpërdrejt tek fëmijët. Përfaqësuesit e Grupit për të Drejtat e Fëmijëve do të shkojnë në disa shkolla të caktuara nëpër Kosovë për t’i njoftuar nxënësit mbi të drejtat e tyre dhe burimet që kanë në dispozicion. Aktivitetet parësore të GDF-së do të përfshijnë hetimet për aspektet e përgjithshme të shkeljes së të drejtave të fëmijëve si dhe shqyrtimi i ankesave individuale të paraqitura nga fëmijët ose nga përfaqësuesit e fëmijëve. GDF këshillohet me Ombudspersonin se cili veprim do të ishte më i përshtatshëm, gjithmonë duke pasur parasysh interesin më të mirë për fëmijët në fjalë. Fëmijët personalisht apo nëpërmjet përfaqësuesve të tyre mund t'i drejtohen GDF së me qëllim të paraqitjes së ankesës lidhur me keqpërdorime apo ndonjë shkelje tjetër të të drejtave të fëmijëve. Të gjitha shkollat e interesuara për pjesëmarrje në fushatën informuese mund të kontaktojë GDF-në brenda Institucionit të Ombudspersonit me anë të faksit ++381 38 545 302 apo e-maili në adresën vijuese: crt@ombudspersonkosovo.org Në e-mailin tuaj ju lutemi shënoni: detajet kontaktuese të shkollës, informata mbi lokacionin e shkollës, numrin e nxënësve që vijojnë shkollën, sa studentë janë në një klasë, dhe nëse shkolla veçse ka qenë e angazhuar në aktivitete të ngjashme të të drejtave të fëmijëve.

Komentet e përdoruesve