Konkurs për rrëfimin më të mirë nga radhët e pritjes për viza

Pakti Qytetar për Evropën Juglindore shpall konkurs për rrëfimin më të mirë nga radhët e vizave. Konkursi është i hapur për qytetarët e vendeve të Evropës Juglindore që kanë mbetur jashtë «listës së bardhë shengen»: Serbia e Mali i Zi dhe nga territori i Kosovës nën drejtimin ndërkombëtar, Bosnja e Hercegovina, Maqedonia dhe Shqipëria. Pasi ky problem godit më shumë të rinjtë, atyre u është kushtuar edhe ky konkurs: në konkurs mund të marrin pjesë qytetarët e vendeve të përmendura, jo më të moshuar se 35 vjeç. Tregimet nuk mund të jenë më të gjata se 20 000 karaktere. Dërgojini rrëfimet si Microsoft Word Document. Gjuhët në të cilat mund t'i dërgoni këto rrëfime janë serbisht/boshnjakisht/kroatisht, maqedonisht dhe shqip. Rrëfimet dërgojini në citizenspact@citizenspact.org.yubashkë me formularin e plotësuar. Dikush ka qëndruar me orë të tëra në shi dhe erë. Dikush ka pritur nën diellin e nxehtë. Anëtarët e një ansambli folklorik duhej të kërcenin valle para punonjëses së ambasadës të një vendi të madh me qëllim që ta bindnin përse donin të udhëtonin. Një njeri pune duhej të sillte fotokopje e të gjitha monedhave që do të merrte në rrugë. Në Beograd jeton një njeri i cili betohet se në një ambasadë i kërkuan vërtetimin se nuk është shtatzënë. Ka edhe tregime më të bukura: disa në radhë për vizë kanë njohur dashurinë e tyre të jetës. Ulu dhe shkruaj historinë tënde. Njëzet rrëfimet më të mira do t'i printojmë. Tre autorët më të rinj do të udhëtojnë në promovimin e librit në Bruksel. Promovimi, në të cilin autorët do të lexojnë tregimet e tyre, do të organizohet për gazetarët dhe politikanët e kryeqytetit evropian. Ky konkurs është vazhdim i Fushatës për heqjen e vizave të cilën e bënë pakti Qytetar për Evropën Juglindore më shumë se tre vjet me qëllim të lehtësimit, dhe pastaj dhe të heqjes së regjimeve vizore ndërmjet vendeve të regjionit dhe ndërmjet vendeve të regjionit dhe vendeve nënshkruese të marrëveshjes Shengen. Pakti i Qytetarëve për Evropën Juglindore është rrjet i 117 komunave dhe organizatave joqeveritare nga të gjitha vendet e Evropës Juglindore. Më shumë për konkursin mund të lexoni në sajtin www.needvisa.net.

Komentet e përdoruesve