Nisma qytetare - lule kundër smogut kancerogjen

Pas fushatës sensibilizuese për vendosjen e filtrave në zonën industriale, ndërmarrja e gjelbërimit në Elbasan ka marrë nismën për shtimin e siperfaqeve të gjelbëruara në këtë qytet. Elbasani Qëllimi i kësaj nisme ka të bëjë me përmirësimin e kushteve të mjedisit si dhe pastrimin e ajrit të ndotur prej vitesh nga smogu. Sipas drejtuesve të ndërmarrjes gjatë ditëve të fundit janë mbjellë 3500m2 me bar, 2000 m2 me lule, dhjetra drurë dekorative dhe shkurre. Pastrimi i rrugëve dhe shesheve kryesore nga kjoskat dhe ndërtimet pa leje dhe largimi i inerteve është shoqëruar me shtimin e sipërfaqeve të gjelbëruara në Elbasan. Kështu Sipas specialistit të ndërmarrjes Nazmi Xhaferri, aktualisht ky qytet numëron 114 mijë m2 të mbjella me bar dhe lule shumëngjyrëshe, mbi 4000 rrënjë drurë dekorative si dhe 3300 rrënjë shkurre. Me varietetet e mbjella, ndërmarrja e Gjelbërimit në Elbasan synon të sigurojë gjelbërim gjatë gjithë vitit në këtë qytet. Nisur nga të dhënat e mësipërme Elbasani rezulton të jetë një ndër qytetet më me shumë sipërfaqe të gjelbëruara në shkallë vendi. Dikur Elbasani, është njohur si qytet luleve.

Komentet e përdoruesve