Të dielën u mbajt protesta e madhe në Athinë nga emigrantët shqiptarë

Emigrantët shqiptarë që punojnë e jetojnë në Greqi dolën me një deklaratë të fortë proteste ku dënonin vrasjen e 17 vjeçarit Edison Zahaj, në një qytet të ishullit të Kretës. Federata e Shoqatave Shqiptare në Greqi bëri te ditur se një tubim i madh proteste u zhvillua në kryeqytetin e Greqisë Athinë, më datën 15 janar. Proteste e emigranteve shqiptare ne Athine Në deklaratën e federatës së shoqatave shqiptare të emigrantëve në Greqi, theksohet se “Dënojmë aktin e dhunshëm e të turpshëm që i mori jetën të riut emigrant Edison Zahaj, me banim në Rethimno të Kretës, nga persona vendas të cilët sulmuan barbarisht familjen Zahaj, duke manifestuar urrejtjen ndaj të huajve, pra atë që quhet racizëm”. Sipas organizmit që përfaqson të drejtat e shqiptarëve në Greqi, “Ky veprim i papërgjegjshëm, pavarësisht se u bë për motive të dobëta, nuk ka për të cënuar aspak marrëdhëniet e mira ndërmjet shoqërisë së përparuar greke dhe emigrantëve shqiptarë, që kanë derdhur djersën e, pse jo, edhe kanë dhënë jetë njerëzish për përparimin e begatinë e këtij vendi”. Tubim ishte paqësor dhe tregoi frymën e mirëkuptimit midis grekëve dhe shqiptarëve, pasi në tubim pati edhe mjaft protestues grekë. Sipas organizatorëve qëllimi i protestës së funsdjavës, ishte që të mbahej një qëndrim i ashpër ndaj krimeve të kësaj natyre.

Komentet e përdoruesve