Takimi vjetor i grupimit “Ekolëvizja”

Grupimi “Ekolëvizja” më datë 31 janar 2006, ora 9:30 në mjediset e hotel “Tirana”, salla “Onufri” zhvillon takimin vjetor me tematikë: “Ekolëvizja” forcë aktive në mbrojtje të mjedisit dhe zhvillimit të qëndrueshëm”. Në të pritet të marrin pjesë organizatat mjedisore që veprojnë në Shqipëri, antarë ose jo të këtij grupimi, si dhe dashamirës të tij. Ky takim ka për qëllim prezantimin e ecurisë së punës së bërë, përcaktimi i drejtimeve strategjike si dhe zgjedhjet e reja për statusin dhe organet drejtuese të grupimit. Stema e grupimit "Ekolevizja" Grupimi Ekolëvizja është krijuar me nismën e organizatave mjedisore për të pasur nje media te tyren. Kjo u pasqyrua me gazetën “Ekolëvizja”, organi që mblidhte zerin e aktivistëve mjedisor. Që prej dy vitesh në rradhën e gazetave të shumta ky botim po paraqet atë çka ndodh në mjedisin shqiptar. Më pas u pa e arsyeshme grupimi i organizatave për të pasur nje koordinim më të mirë të veprimtarive të tyre, koordinim që tregoi sukses. Situatat e reja të krijuara paraqesin nevojën për institucionalizimin e këtij grupimi dhe për përfshirjen e aktorëve të tjerë. Për këtë arsye është hartuar një projekt statut i cili pret miratimin e antarëve të grupimit. Po ashtu do përcaktohen dhe drejtimet e veprimtarisë së grupimit dhe pozicionin e çdo aktori në të. Ky hap synon të arrijë një efektivitet më të lartë në aktivizmin mjedisor dhe vendimmarrje.

Komentet e përdoruesve