Prezantohet projekti për forcimin e sistemit të monitorimit mjedisor në Shqipëri

Firma kotraktore Project Management Ltd PM, e cila ka fituar të drejtën e zbatimit të projektit të Ministrisë së Mjedisit, Pyjeve dhe Administrimit të Ujrave, titulluar “Forcimi i Sistemit të Monitorimit Mjedisor në Shqipëri (StEMA)”, projekt i mbështetur financiarisht nga Delegacioni i Komunitetit Europian në Shqipëri, organizoi sot në mjediset e hotel Rogner një workshop për prezantimin e këtij projekti të ri. Në takim merrnin pjesë përfaqësues të Ministrisë së Mjedisit, Pyjeve dhe Administrimit të Ujrave; Administrimit të Ujrave; përfaqësues të Delegacionit të Komunitetit Europian në Shqipëri, nga Institutet akademike-shkencore, nga shoqeria civile etj. Monitorimi i mjedisit është i nevojshëm për të krijuar një bazë të besueshme dhe të sigurt informacioni për vendimmarësit dhe për të rritur në publik sensibilitetin për problemet mjedisore. Në këtë kuadër, qëllimet e tij janë: Ngritja e një sistemi të integruar të monitorimit të mjedisit në Shqipëri Kryerja e raundit të parë të turit monitorues për sektorët e zgjedhur mjedisore Zbatimi i një skeme për identifikimin dhe monitorimin e “hot-spoteve” mjedisore. Ajo çka synohet të arrihet është Forcimi i programit të Monitorimit, në fushën e cilësisë së ajrit dhe të ujrave, përmirësimin e rrjeteve të monitorimit në përputhje me sistemin e monitorimit të Bashkiimit Europian dhe Ngritja e laboratoreve kombëtare të references për ajrin dhe ujrat. Qendra Rajonale e Mjedisit SHQIPERI

Komentet e përdoruesve