Asnjë Hulumtim mbi Keqtrajtimin e të Arrestuarve në Serbi

Organizata e të drejtave të njeriut, Amnesty International, raporton që autoritetet serbe kanë dështuar ne hulumtimin e supozuar të keqtrajtimeve të arrestuarve gjatë operacionit “Sablja 2003” që përcolli vrasjen e Kryeministrit Zoran Gjingjiq. "Dy vjet pas vrasjes së Gjingjiqit dhe pasojave me masa të rrepta gjatë të cilave pothuajse 10,000 njerëz ishin arrestuar dhe marr në pyetje, autoritetet kanë dështuar të hulumtojnë keqtrajtimin e supozuar të të arrestuarve”, thuhet në komunikatën për shtyp të lëshuar nga ana e Amnesty International. Në nëntor të vitit 2004, Këshilli i Kombeve të Bashkuara për Parandalimin e Torturës kishte përcaktuar që Serbia kishte cenuar një sërë dispozitash të Konventës së KB-së mbi Parandalimin e Torturës, shton komunikata. Përmbledhja e Amnesty International për Evropën dhe Azinë Qendrore pohon se një numër i “pengesave serioze për çrrënjosjen e torturës, siç është mosekzistimi i një sistemi hulumtues i pavarur dhe efikas” janë në mbarë rajonin.

Komentet e përdoruesve