BE-ja do të financojë një projekt kundër analfabetizmit në Veri

40 mijë euro do të vihen në dispozicion nga Bashkimi Evropian, për mësimin e shkrimit dhe leximit, për fëmijët analfabetë, në zonat verilindore të Shqipërisë. Në projekt do të përfshihen fëmijë të moshave 7-14 vjeç si dhe prindërit e tyre. Aktiviteteve që do të përfshihen në projekt, do të jenë: ndërgjegjësimi i familjeve dhe komuniteteve, shpërndarja e materialeve informuese, me fletëpalosje dhe broshura. Të gjitha këto materiale informative do të bëjnë të mundur të kuptuarit dhe rëndësinë e shkrimit dhe leximit. Pas identifikimit të nevojave të fëmijëve dhe numrit të atyre që kanë braktisur shkollën gjatë viteve të fundit, në zonat verilindore në kuadër të këtij projekti do të zhvillohen kurse instensive, Për projektin do të hartohen kurrikula të posaçme të shkrimit dhe leximit, si dhe do të nxitet përmirësimi i komunikimit mes prindërve dhe fëmijëve.

Komentet e përdoruesve