Misioni i OSBE-së ngrit mbështetjen për të drejtat e njeriut për ministritë e përkohshme të Kosovës

Prishtinë – Kryeministri i Kosovës, Agim Çeku dhe Ambasadori Werner Wnendt, Shef i Misionit të OSBE-së në Kosovë, sot nënshkruan një marrëveshje që ngrit mbështetjen e OSBE-së në fushën e të drejtave të njeriut për ministritë e Institucioneve të Përkohshme të Vetëqeverisjes (IPVQ). "Zotimi i Kryeministrit për të siguruar njësi të drejtave të njeriut në secilën ministri ka për qëllim të përmirësojë degën e llogaridhënies së ekzekutivit dhe pajtueshmëri me standardet e të drejtave të njeriut", tha Ambasadori Wnendt. "Kjo dëshmon gatishmërinë e Qeverisë, me mbështetjen e OSBE-së, që të bëjnë Kosovën një vend ku të drejtat e njeriut respektohen për të gjithë njerëzit". Sipas marrëveshjes, do të krijohet një Njësi Qendrore e të Drejtave të Njeriut, bashkërisht e koordinuar nga Zyra Këshilluese e Kryeministrit për Qeverisje të Mirë, të Drejta të Njeriut, Mundësi të Barabartë dhe Gjini si dhe misioni i OSBE-së. Njësia do të mbështetet nga këshilluesit të lartë të drejtave të njeriut të cilët do të punojnë nëpër ministritë e përzgjedhura për të ofruar asistencë ditore për personelin e ngarkuar me zhvillimin e strukturave të reja, politikave dhe praktikave. Njësitë e të drejtave të njeriut gjithashtu do të ndihmojnë në reagimet e ministrive të IPVQ-ve ndaj elementeve që kanë të bëjnë tërthorazi me të drejtat e njeriut nga plani i punës për vitin 2006 të qeverisë, përfshirë edhe zbatimin e Ligjit për Anti-Diskriminim dhe në zhvillimin e strategjisë mbarëkosovare për të drejtat e njeriut. Grupet kyçe të nevojtarëve të identifikuar në planin e punës përfshijnë minoritetet, të kthyerit, refugjatët, personat e zhvendosur përbrenda, gratë, personat me nevoja të veçanta, fëmijët, pensionistët dhe personat e rrezikuar nga trafikimi. Miratimi i Kryeministrit për këtë program të ri të mbështetur nga OSBE-ja dëshmon përkushtimin e Qeverisë për të punuar për së afërmi me profesionistët e të drejtave të njeriut nga misioni i OSBE-së për të kuptuar që të drejtat e njeriut janë të mbrojtura dhe të respektuara në Kosovë. Këshilltarët do të punojnë në Zyrën e Kryeministrit, në ministritë e Drejtësisë, Punëve të Brendshme dhe Komuniteteve e Kthimit, si dhe ministri tjera. "Vendimi për të përmirësuar aftësitë e ministrisë për të zbatuar standardet ndërkombëtare të drejtave të njeriut gjithashtu do të kontribuoj drejt qëllimit të integrimit Evropian", shtoi Ambasadori Wnendt. "Një përfitim shtesë afatgjatë nga ngritja e pajtueshmërisë së Kosovës me dispozita të tilla të drejtave të njeriut është që kjo mbështet krijimin e një mjedisi më të qëndrueshëm dhe mikpritës për investimet nga jashtë".

Komentet e përdoruesve