Trafikimi me qenie njerëzore në Maqedoni në ngritje

Sipas informacioneve të grumbulluara nga Unioni i Organizatave të Grave të Maqedonisë (SOZM), trafikimi me qenie njerëzore është ngritur gjatë disa viteve të kaluara. ”Arsyeja kryesore për trendet e ngritjes qëndrojnë në procesin e transicionit, krizës në Kosovë, varfërisë në ngritje dhe shkallëve të papunësisë, rritja e statistikave të krimit të organizuar, si dhe zvogëlimit të kontrollit kufitar në Evropën Qendrore dhe Lindore”, ka thënë Tanja Gjurovska, psikologe pranë SOZM-së. Gjurovska prezantoi statistikat e fundit që u ofruan në dispozicion nga IOM-i, të cilat tregojnë se 84,13 për qind të grave të anketuara lanë vendet e tyre për të gjetur punë më të mira, 75.96 janë rekrutuar me premtime të rrejshme për punë të siguruara jashtë vendit, 8.62 ishin kidnapuar, përderisa 6.12 për qind ishin mashtruar me kontrata të falsifikuara punësimi. Sipas SOZM-së, popullata rinorë është me e prekshmja ndaj trafikimit me qenie njerëzore dhe ka nevojë për vetëdijesim mbi këtë problem. "Viktimat potenciale të hallkave të trafikimit rekrutohen nga radhët e popullatës së re. Andaj, ata kanë nevojë më shumë informacion mbi këtë problem, të arsimohen dhe të krijojnë një sistem mbrojtës të tyre”, ka theksuar Gjurovska. Që prej vitit 2004, SOZM zbaton Programin Kundër-Trafikim. Ky program ka për synim arsimimin, veprimet parandalueses, vetëdijesimet e ngritura mbi rrezikun e bërjes viktime. Nën mbikëqyrjen e këtij programi, SOZM zbaton Punëtori Edukative për Parandalim e Trafikimit me Qenie Njerëzore .

Komentet e përdoruesve