QKE dhe partnerët e saj në sfidat e reja të Komunikimit Elektronik

Ditën e shtunë, datë 25 mars, 2006 në kuadër të vazhdimsisë së bashkpunimit me oranizatat jofitimprurse shqiptare, Qendra e Komunikimit Elektronik zhvilloi trajnimin me temë: “Përmirësimi i shkëmbimit të informacionit dhe njohja me mundësitë e reja që ofron QKE”. Në trajnim morën pjesë përfaqësues nga: Klubi Ekologjik Krujë, Klubi Ekologjik Lezhë, SNV, CSDC Durrës, Shoqata Mjedisore "Ylber", Qendra EDEN dhe Klubi Ekologjik Elbasan. QKE-Al trajnon anetaret e OJF-ve mbi komunikimin elektronik © QKE-Al Në trajnim midis të tjerave u bë e mundur njohja e pjesëmarrësve me faqen e re të Qendrës së Komunikimit Elektronik. Mundësitë që ofron kjo faqe do i japë tashmë mundësinë organizata partnere të vendosin në këtë faqe, lajme mbi aktivitete të ndryshme që ato mund të kenë. Përveç lajmeve të ndryshme, OJF-të kanë mundesinë që të publikojnë gjithashtu edhe lajmërime, aktivitete si dhe botime të ndryshme. Pjesë tjetër shumë e rëndësishme e trajnimit ishin dhe mënyrat e përgatitjes së një lajmi, ku pjesmarrësve iu prezantuan disa elemente kryesorë të gazetarisë. OJF-të në përgjithësi e ndjejnë të nevojshme njohjen me teknikat e gazetarisë, pasi produktet që ato prodhojnë duhet të prezantohen denjësisht në median e shkruar dhe atë elektronike, si dhe të kenë një impakt sa më të gjërë dhe të prekshëm prej publikut. Pasi u njohën me mënyren e përgatitjes së lajmit, të pranishmit u trajnuan edhe për teknikat e hedhjes së lajmeve në faqen e QKE-AL. Përfaqësuesve të çdo shoqate iu dha akses mbi faqen e internetit të Qendrës së Komunikimit Elektronik, për të nxitur kështu shkëmbimin e mëtjeshëm të informacionit mes tyre. Trajnime të këtij lloji do të vazhdojnë edhe në të ardhmen, trajnime të cilat na ndihmojnë për të përvetësuar dhe thelluar njohuritë mbi komunikimin elektronik.

Komentet e përdoruesve