Aktivitete me rastin e “Ditës së Tokës”

Sot me 21 Prill me rastin e “Ditës së Tokës” janë planifikuar një sërë veprimtarish në kryeqytet që do të mbahen tek Lulishtja në platforma përballë bankës së Shtetit. Të kujdesemi për planetin tonë – Tokën është një inisiativë e përbashkët e Bashkisë së Tiranës dhe qendrës EDEN. Dita e Tokës © eden Në këto aktivitete do të marrin pjesë përveç qytetarëve të Tiranës bashkëpunëtorë të tjerë si : Banka Credins (donator për kangjellat e lulishtes), Ndërmarrja e Gjelbërimit të Qytetit, Kryqi i Kuq Shqiptar, Organizata Rinore FORIS dhe Shkollat 9-vjeçare të kryeqytetit. Aktivitetet do të fillojnë në orën 10 ku do të flasin ambasadorja e SHBA në Shqipëri Marcie Ries dhe kryetari i Bashkisë së Tiranës z. Edi Rama. Më tej aktivitetet do të vazhdojnë me inagurimin e lulishteve me lule të mbjella nga nxënësit e shkollave 9 – vjeçare dhe me Karnavalet e Tokës, sfilatë dhe performancë e fëmijëve të veshur si natyra me komponentët e saj. Në fund pjesëmarrësve do tu shpërndahen fletëpalosje informuese në formë atraktive dhe të ilustruar, të cilat do të përmbajnë kuriozitete dhe informacion mbi Tokën dhe fenomenet që ndodhin në të.

Komentet e përdoruesve