Elbasani – Një bashkëjetesë e hidhur me ndotjen e ajrit

Trajtimi i çështjes së cilësisë së ajrit në Elbasan është gati i përditshem dhe i gjithëkundshëm. Atë e ndesh nga diskutimet e njerezve të thjeshtë e deri në zyrat e pushtetit vendor. Ai është i mirëpranuar edhe prej industrive të çimentos dhe çelikut "Kurum", lajmet rreth të cilëve kanë mbushur edicionet televizive dhe gazetat në ditët e fundit, jo vetëm për këtë çështje, por edhe për konfliktet e vazhdueshme që kanë rreth trajtimit të punonjësve. "Sot, thotë Ahmet Mehmeti. kryetari i Klubit Ekologjik Elbasan, Kurum ka ulur sasinë e ndotjes se janë informuar për takimin tonë. Nga presioni në rritje në nivel lokal, ndjehet një lëvizje më e madhe në këtë drejtim". Hartimi i një plani lokal veprimi për përmirësimin e cilësisë së ajrit në këtë qytet, nismë e Klubit Ekologjik Elbasan, mblodhi në sallën e Këshillit Bashkiak përfaqësues të shumtë të këtij këshilli, të bizneseve dhe qytetarë të Elbasanit dhe të Komunës së Bradasheshit, me e ndotura në këtë rajon. Diskutimi rreth çështjeve të parandalimit të ndotjes, detyrimeve për bizneset dhe informimi i publikut nxorrën sërish n1 pah mungesën e zgjidhjeve afatgjata. Drejtori turk i Kurum, i pranishëm në takim, tha se vetëm gjatë vitit 2005 kishte paguar 50 mijë USD gjobë komunës Bradashesh për ndotjet e shkaktuara, ndërsa perfaqësuesja e fabrikës së çimentos tha se filtrat punonin në kapacitetet të plotë dhe ndotja nuk ishte alarmante. Filtrat stakohen 1-2 orë në momentin e ndezjes së furrës, periudhë e mjaftueshme për rritjen e ngarkesës së ajrit me pluhur deri përtej normave të lejuara. Sidoqoftë, shqetësimi në rritje ndaj shtimit të ndotjes dhe ekspozimit të zgjatur në të, dhe pamundësisë së marrjes së masave afatgjata, tregojnë për një qytetar elbasanas më të pergjegjeshëm për të drejtat dhe fuqinë e tij. Takimi dy ditor në qytetin e Elbasanit realizohet në vazhdën e një serie takimesh, të financuara nga Qendra Rajonale e Mjedisit (REC) në kuadër të programit të Konventës së Aarhusit. Qendra Rajonale e Mjedisit Shqipëri

Komentet e përdoruesve