Aktivitete në kuadrin e “Promovimit të parimeve të OZHM-së për zhvillim të qëndrueshëm"

PNUD, SNV, Qendra Rajonale e Mjedisit (REC), OXFAM dhe UNV janë bashkuar në fushatën për arritjen e Objektivave të Zhvillimit të Mijëvjeçarit. Objektivat e Zhvillimit të Mijëvjeçarit mund të arrihen nëpërmjet partneritetit midis qeverisë, medias, donatorëve, shoqërisë civile, sektorit privat,të rinjve, rolit të gruas dhe minoriteteve. Fushata e përbashkët bën të mundur që këto grupe të marrin pjesë dhe të përkrahin Objektivat e Zhvillimit të Mijëvjeçarit. Çdo njeri luan rolin e vet: Ai ka të drejtën dhe përgjegjësinë “Të mbaj Premtimin”. Në përkrahje të kësaj fushate, u organizua në Vlorë, ditën e premte, ora 10.00, takimi rajonal me temën “Promovimi i Parimeve të OZHM-së për Zhvillim të Qëndrueshëm”. Në takim pjesëmarrësit diskutuan rreth problemeve mjedisore dhe ndikimit të tyre në zhvillimin e qëndrueshëm, legjislacionit, trashëgimisë kulturore dhe zhvillimit përmes Objektivave të Zhvillimit të Mijëvjeçarit etj. Nëpërmjet kësaj nisme synohet të kuptohen më mirë parimet e Zhvillimit të Qëndrueshëm në nivel lokal dhe rajonal, duke përfshirë lidhjet e tyre me OZHM- të etj., nëpërmjet përkrahjes së vlerave natyrore, historike dhe kulturore në rajoneve specifike; të nxitet dhe lehtësohet pjesëmarrja e grupeve kryesore, në përpjekjet e zhvillimit rajonal dhe lokal, në vijim të OZHM-ve dhe dokumenteve të tjera strategjikë të zhvillimit; përmirësohen plani dhe zbatimi i planeve të zhvillimit në nivele rajonalë dhe lokalë duke siguruar kontributin e të gjithë aktorëve vendorë. Në takim janë ftuar të marrin pjesë përfaqësues të institucioneve vendore nga Qarku, Bashkia dhe komunat, institucionet përgjegjëse në nivel lokal, donatorë, OJF, bizneset, etj. Aktiviteti tjetër që shoqëroi këtë fushatë, në të njëjtën ditë, përfshiu binjakëzimin midis shkollave të mesme, të qyteteve të ndryshme të Shqipërisë. Në qytetin e Vlorës ky aktivitet u zhvillua në orën 12.00 në shkollën e mesme “Ali Demi, me pjesëmarrjen e nxënësve dhe mësuesve nga qyteti i Beratit dhe përfaqësues të shkollës së mesme “Bab Dudë Karbunara” të këtij qyteti. Qëllimi kryesor i këtij aktiviteti binjakëzues do të jetë ndërgjegjësimi dhe nxitja e partneritet midis aktorëve të ndryshëm dhe sidomos të rinjve për arritjen e Objektivave të Zhvillimit të Mijëvjeçarit. Pas takimit në qytetin e Vlorës dhe duke ndjekur të njëjtën tematikë do të mbahen takime edhe në qytete të tjera si në, Durrës, Gjirokastër, Korçë, Shkodër, Dibër, etj.

Komentet e përdoruesve