Fushata “Celulari dëmton rëndë xhepin”

Para disa ditësh u lançua fushata “Celulari dëmton rënë xhepin” nga Zyra e Mbrojtjes së Qytetarit” për të protestuar kundër tarifave të shërbimit cellular të dy kompanive që operojnë në Shqipëri AMC dhe Vodafone. Kreshnik Spahiu kryetar i ZMQ-se Kreshnik Spahiu, kryetar i zyrës për Mbrojtjen e Qytetarëve dhe njëkohësisht lançuesi i fushatës së koalicionit Antikorrupsion, “Celulari dëmton rënë xhepin”, thekson se kulmi i fushatës kundër tarifave të larta të telefonisë celulare do të jetë 8 Qershori. Ai u bëri thirrje të gjithë qytetarëve që me 8 Qershor të fikin celularët duke bojkotuar shërbimet e kompanive të telefonisë celulare. Sipas Spahiut Enti Rregullator i Telekomunikacioneve (ERT) ka kërkuar mbështetje që të zbatohet vendimi për Operatorët me Fuqi të Ndjeshme në Treg (OFNT) dhe të ushtrohet kontroll për çmimet e aplikuara. Më tej Spahiu vazhdon: “Nëse do të ketë zvarritje në liberalizimin e tregut, apo nuk do të hyjë operatori i tretë Eagle Mobile ose një operator i katërt i telefonisë celulare, ne do të vazhdojmë të ngremë zërin me anë të spoteve televizive, posterave për senzibilizimin e qytetarëve…”.

Komentet e përdoruesve