Hulumtim i organizatës “ÇOHU” mbi korrupsionin në Aeroportin e Prishtinës

Organizata për Demokraci Anti-Korrupsion dhe Dinjitet “Çohu” ka kryer një hulumtim lidhur me raportet mbi mënyrën e menaxhimit të Aeroportit të Prishtinës (AP) për periudhën 2000-2004 të bëra nga Zyra për shërbime të mbikëqyrjes së brendshme (OIOS) të OKB-së, Task Force dhe Komisionit Ad-hoc të ri-aktualizuara në fillim të marsit në Kosovë. Hulumtimi përfshinë paraqitjet publike të zyrtarëve vendor dhe ndërkombëtar, mendime të ekspertëve, raportime të gazetarëve në shtypin ditor, intervista me zyrtar e punëtorë të Aeroportit të Prishtinës të bëra në periudhën mars-maj të këtij viti. Hulumtimi është përqendruar në gjetjen e fakteve të reja mbi shkeljet në AP dhe vënien e tyre në kontekst, vijës së përgjegjësisë në lidhje me shkeljet e bëra në këtë kompani publike dhe organet e institucionet e lidhura me këtë çështje dhe në masat që janë marrur nga përgjegjësit në lidhje me aferat korruptive të raportuara në këtë kompani. Hulumtimi po ashtu përfshinë: -Rishikim të argumenteve të ofruara nga Task Force (Njësiti i UNMIK-ut për hulumtime financiare dhe OIOS) dhe të Komisionit Ad-hoc; -Vënien në një kontekst më të gjerë dhe shpjegimin e logjikës së raportimeve të veçanta mbi korrupsionin në AP; -Sjelljen e fakteve të reja në lidhje me rastet tashmë të raportuara të korrupsionit dhe të veprave tjera me natyrë penale. Hulumtimi është bërë nëpërmjet tri metodave: -Monitorimin e tri gazetave ditore për periudhën mars-maj 2006; -Intervistim i personelit të Aeroportit dhe individëve dhe zyrtarëve që kanë qenë të involvuar në punën e Aeroportit; -Rishikimin e raporteve të bëra nga Task Force/OIOS, Komisioni Ad Hoc si dhe dokumentacioneve tjera të siguruara nga zyrtarë dhe ekspertë. Për të lexuar hulumtimin e plotë klikoni në dokumentin e mëposhtëm.

Dosje në bashkëngjitje

HULUMTIM I ORGANIZATËS “ÇOHU” MBI KORRUPSIONIN NË AEROPORTIN E PRISHTINËS 0 B

Komentet e përdoruesve