CRCA trainon fëmijët e Senatit të Tiranës mbi përgatitjen e project-propozimit dhe buxhetit

Qendra për Mbrojtjen e të Drejtave të Fëmijëve-CRCA në bashkëpunim me Bashkinë e Tiranës, në kuadër të programit të saj “Të Drejtat e Fëmijëve një e Drejtë Demokratike”, organizoi kursin e trainimi me temë “Si të hartosh një Projekt-propozim dhe Buxhetin”. CRCA logo Pjesmarrës në këtë trainim ishin fëmijë-anetarë të Bordit të Senatit pranë Bashkisë Tiranë, të cilët përfaqesojnë shkollat e qytetit të Tiranës. Trainimi u mbështet financiarisht nga Olof Palme Center dhe SIDA. Qëllimi i trainimit ishte pajisja e fëmijëve me informacion rreth mënyrës së hartimit të një projekti si dhe aftësimi i tyre në këtëdrejtim. Gjithashtu u synua në këtë mënyrë të forcohet kapaciteti i Senatit përsa kohë ai është akoma në hapat e tij të parë. Kursi i tranimit u referua nga drejtori i CRCA-s, specialist për çështjet e fëmijëve. Materiali i referuar gjatë trainimit u bazua në Manualin e Trainimit për Konventën e të Drejtave të Fëmijës të CRCA- së. Në pjesën e parë u trajtuan në mënyrë teorike hapat që duhen ndjekur për formulimin dhe hartimin e një projekti, ndërsa në pjesën e dytë vetë fëmijët u vunë në punë për hartimin e miniprojekteve dhe më pas diskutimin e tyre duke shfrytëzuar informacionin e marrë teorikisht. Synohet që informacioni i marrë nga fëmijët gjatë trainimit, të përcillet po prej tyre në shkolla tek fëmijët e tjerë.

Komentet e përdoruesve