APC kërkon lirimin e blogerëve pro-demokratik nga autoritetet Egjiptiane

Johanesburg, Afrika Jugore – APC (Shoqata për Komunikime Progresive) dënon arrestimin e padrejtë të blogerëve dhe gazetarëve në Egjipt të cilët shprehen lirshëm. Alaa Seif Al-Islam, një bloger i kalitur dhe kolegë nga APC-ja, është një nga katër personat që mbajnë ditar online të cilët mbahen nën arrest për kritikat e dhëna ndaj regjimit aktual, që nga 7 maji. Për më shumë, APC ka dëgjuar raporte shqetësuese mbi veprimet e dhunshme të ndërmarra nga ana e sigurimit të shtetit kundër blogerëve të cilit liruar nga arresti javën e kaluar, vetëm që të arrestohen sërish më pastaj. Autoritetet kanë parandaluar avokatët e të drejtave të njeriut nga vizitat e blogerëve të cilët kanë qenë të rrahur dhe të torturuar të enjten, më 25 maj. “Ne filluam të jemi optimistë pasi që prokurori i sigurimit të shtetit urdhërori lirimin e 9 personave të shtunën e kaluar dhe lirimin e 5 tjerëve të martën, andaj menduam se ata do të lirohen brenda disa ditëve të ardhshme. Por, të enjten e kaluar ata kidnapuan dy nga tetë personat e liruar të shtunën (dhe të cilët fituan lirinë e tyre të hënën). Ata u rrahën egërsisht, një nga edhe u abuzua seksualisht dhe më pastaj u dërguan tek prokurori i sigurimit të shtetit i cili iu përcaktoi 15 ditë burgimi dhe refuzoi t’i transferojë ata në spital, madje as nuk lejoi që një mjek t’u ofrojë atyre ndihmën e parë, edhe pse njëri prej tyre ndjeu që kishte një bri të thyer dhe kishte gjak në urinën e tij..” [Dëshmia e Mohamed el-Sharqawi për arrestimin dhe torturimin e tij në Tora Prison. http://arabist.net/archives/2006/05/28/a-letter-from-sharqawi/] Avokatët e Alaa Seif Al-Islam për lirinë e shprehjes në mediumin e tij të pavarur online ‘Manal and Alaa's bit bucket’ (http://www.manalaa.net) – një blog i cili rishtazi u shpërblye me Çmimin Special të Reporterëve Pa Kufij si pjesë e Çmimeve Ndërkombëtare 2005 për WebLog tw Deutsche Welle-s. Rrjeti i APC-së gjithashtu ka punuar me Alaa-n i cili gjithashtu mëson fëmijët e shkollave vendase se si të përdorin softuerin e lirë dhe të hapur në kohën e tij të lirë. Blogerët egjiptianë janë njohur ndërkombëtarisht për përdorimin e tyre të mediumit për të treguar storie të rinjve të angazhuar në aktivitete kulturore, shoqërore dhe ato të ‘softuerit të lirë dhe të hapur'. Ata kanë krijuar vetëdijen e një kreativiteti të shkëlqyeshëm dhe inovacioni të pranishëm në sektorin e Teknologjisë Komunikuese e Informuese (TKI) në Egjipt. Ndrydhja e blogerëve nuk reflekton vetëm mungesën e lirisë së shprehjes – ajo gjithashtu kufizon kontributin që egjiptianët mund të sjellin për komunitetin global. SHKELJE E TË DREJTAVE TË NJERIUT APC beson që provizionet e Nenit 19 të Deklaratë Universale për të Drejtat e Njeriut (DUDNJ) janë shkelur nga Qeveria Egjiptiane – një nga qeveritë e cila në nëntor të viti 2005 u bë një nga nënshkrueset e Samitit Botëror mbi Shoqërinë e Informacionit 'Zotimit të Tunisit' – e cila riafirmon nevojën që shtetet të respektojnë dhe të përmbahen plotësisht me DUDNJ-në dhe të afirmojë gjithanshmërinë e të drejtave të njeriut dhe lirive fundamentale. Neni 19: " Çdo njeri ka të drejtën e lirisë së opinionit dhe të shprehjes gjë që nënkupton të drejtën për të mos u prekur për shkak të opinioneve të tij si dhe të drejtën për të kërkuar, për të marrë dhe për të përhapur informata dhe ide me çfarëdo mjeti të mundshëm dhe pavarësisht nga kufijtë”. APC kundërshton censurën e internetit dhe deklaron në Kapitullin e saj për të Drejtat e Internetit që “interneti është një medium për këmbim publik dhe privat të pikëpamjeve dhe informatave. Njerëzit duhet të janë në gjendje të shprehin opinionet dhe idetë e tyre, dhe të ndajnë informacione lirshëm përderisa përdorin internetin”. RRJETI APC NË GJENDJE VIGJILENTE Rrjeti APC është në gjendje vigjilente. Anëtarët tonë janë duke publikuar mbi gjendjen e vështirë të Alaa dhe kolegëve të tij që nga fillimi i majit 2006 2006 në një numër të fushatave kombëtare përfshirë në Spanjisht, Hungarisht dhe Kroatisht. Sjellja e qeverisë egjiptiane sjell në pikëpyetje zotimin e tyre për Agjendën e Tunisit (e cila ka dalë nga Samiti Botëror i Kombeve të Bashkuara mbi Shoqërinë e Informacionit të mbajtur në nëntor të vitit 2005) e cila deklaron që një shoqëri e informacionit e përqendruar tek njerëzit, zhvillimore dhe e orientuar kah zhvillimi duhet t’i përmbahet dhe të respektojë Deklaratës Universale për të Drejtat e Njeriut. Nëse represioni i blogerëve vazhdon, Qeveria Egjiptiane është e detyruar të jetë subjekt i presionit ndërkombëtar dhe kritikës në takimin e parë të Forumit për Qeverisjen e Internetit në Athinë, në tetor të vitit 2006. Ne besojmë që qeveria e Egjiptit duhet të lirojë menjëherë të katër blogerët të arrestuar aktualisht, të ofrojë arsyet për veprimet e tyre dhe të sqarojë shkeljen e Nenit 19 të Deklaratës Universale për të Drejtat e Njeriut. LIDHJE TJERA: APC Kapitulli për të Drejtat e Internetit: http://rights.apc.org/charter.shtml Zotimi i Tunisit – Samiti Botëror i Shoqërisë së Informacionit: http://www.itu.int/wsis/documents/doc_multi.asp?lang=en&id=2266|0 Blogu i Manal-it dhe Alaa-s: http://www.manalaa.net “Reporterët pa Kufij” Çmimi Special' i çmimeve 2005 për Weblog të Deutsche Welle-s iu nda Manal and Alaa’s Bit Bucket: http://www.thebobs.de/thebobs05/bob.php?site=winner_kat&katid=18 Raportet e Guardian mbi arrestimet (8 maj): http://www.guardian.co.uk/egypt/story/0,,1770311,00.html ============================================= PËR APC Shoqata për Komunikime Progresive (APC) është një rrjet ndërkombëtar i organizatave të shoqërisë civile i dedikuar në fuqizimin dhe mbështetjen e grupeve dhe individëve nëpërmes shfrytëzimit strategjik të teknologjive komunikuese e informuese (TKI-ve), posaçërisht teknologjive që ndërlidhen me internetin. Rrjeti i anëtareve dhe partnerëve të APC-së në Evropën Perëndimore, Qendrore dhe Lindore, Afrikë, Azi, Amerikë Latine dhe Amerikë Veriore mbështesin shfrytëzimin e internetit dhe TKI-ve për drejtësi shoqërore dhe zhvillim të qëndrueshëm. APC: http://www.apc.org Email: communications@apc.org