Trazira në Mostar pas ndeshjes Brazil-Kroaci

Mbrëmjen e të martës me 13 Qershor, trazira etnike shpërthyen në Mostar pas ndeshjes së futbollit Kroaci-Brazil të luajtur në finalet e Kupës së Botës në Gjermani. Një person ka mbetur i plagosur rëndë me armë zjarri. U plagosën gjashtë punonjës së policies gjatë ndërhyrjes për qetësimin e situatës dhe u arrestuan 26 persona. Mostar Përleshjet filluan pasi një grup tifozësh të veshura me bluzat e kombëtares së Kroacisë u grumbulluan në sheshin e Spanjës në Mostar (vend ii përleshjeve të ashpra mes kroatëve dhe boshnjakëve të Mostarit) dhe filluan të thyenin dyqanet dhe makinat. Kjo provokoi një reaksion të një grupi të rinjsh nga pjesa lindore e Mostarit (e banuar nga boshnjakët). Të dy grupet u përleshën duke gjuajtur me gurë dhe objekte të tjera njëri tjetrin dhe godinat përreth si dhe automjetet u dëmtuan shumë. Përleshja zgjati disa orë derisa ndërhyri policia e cila përdori gazin lotësjellës për të shpërndarë turmën. Përfaqësues të Qendrës Rinore Kulturore Abrasevic (QRKA) thanë që incidente të tilla janë rezultat i gjendjes së dëshpëruar të rinisë në Monstar, e cila është e papunë dhe pa ndonjë perspective për një jetë më të mire. QRKA fajëson autoritetet dhe institucionet lokale për mungesën e dëshirës dhe gadishmërisë për të ndihmuar në kapërcimin e situatës aktuale, duke e lënë rininë të bjerë pre e propaganda nacionaliste dhe ksenofobiste. “Ne nuk do të presim që të ndodhë një incident tjetër. Ne zotohemi për të luftuar për paqen dhe të ardhmen e sigurtë të rinisë së Mostarit” tha një përfaqësues i QRKA-së.

Komentet e përdoruesve