Ushtrimi i dhunës fizike ose psikike është i patolerueshëm dhe dënueshëm

CRCA duke e vlerësuar si shumë të rëndë vetvrasjen e 18- vjecarit Amarildo Përfundi nga fshati Pirg i rrethit të Korçës doli para dy ditësh me një deklaratë për shtyp e cila u dergua në të gjitha mediat. Në këtë deklaratë iu kërkua Ministrisë së Brendshme, Prokurorisë së Përgjithshme dhe Zyrës së Avokatit te Popullit të marrin masa për një hetim të plotë, të pavarur dhe të paanshëm mbi vetevrasjen e 18 vjecarit. Ngjarjen e ka dënuar edhe Komiteti Shqiptar i Helsinkit duke e vlerësuar si të patolerueshme dhe të dënueshme dhunën fizike dhe psiqike. Gjithashtu KSHH i kërkoi Ministrisë së Brendshme që forcat e saj policore të trajtojnë me dinjitet çdo qytetar, si dhe të tregojnë kujdes në kontakt me ta, pavarësisht se mund të jenë të dyshuar, autorë, dëshmitarë. Nga ana tjetër, KSHH kërkon që në gjirin e policisë të mos ketë më punonjës që ushtrojnë dhunë fizike dhe psikike.

Komentet e përdoruesve