Mjaft!Fest do të mbahet në muajin Korrik

Posteri i MjaftFest © MjaftFest Me 28-29 Korrik në Plazhin Livadh të Himarës do të mbahet edicioni i Mjaft!Fest. MJAFT FEST është një nga festivalet më të mëdhenj në Gadishullin e Ballkanit për muzikën kontemporane LIVE i cili shvillohet në plazhet më të bukura të Shqipërisë Jugore. Festivali është një vend defrimi të jashtëzakonshëm dhe e një atmosferë të këndëshme në plazh, si dhe e një energjie pozitive që vjen nga malet rreth tij. Programi muzikor ofron një shumëllojshëri nga Roku, Dub & Reggae dhe Alternative e Pop dhe deri tek ritmet Elektronike. Si çdo gjë e re, festivali nisi dhe mori formë duke kalur përmes shumë veshtirësish. Në këtë kohë ne po punojmë, krijojmë dhe përpiqemi maksimalisht për t'i dhuruar publikut lokal një festival të nivelit të lartë në një mjedis të tillë. MJAFT FEST u lansua si rezultat i një apatie absolute që mbizotëronte, dhe fatkeqësisht ende vazhdon të mbizotërojë, në institucionet qeveritare të cilat janë të angazhuara për të promovuar artin dhe kulturën në Shqipëri. MJAFT FEST është një shfaqje unike në stilin e tij, i cili risjell shpresë për të ardhmen e muzikës vendase dhe audiencën në Shqipëri dhe Ballkan.

Komentet e përdoruesve