Misioni i OSBE-së apelon për burime adekuate për të ndihmuar rehabilitim e viktimave të torturës

Zëvendësi Kryesuesi i Misionit të OSBE-së në Kosovë, Jens Modvig, shënoi Ditën Ndërkombëtare në Mbështetje për Viktimat e Torturës sot (e hënë) duke bërë apel t’u ofrohen burimet rehabilituese viktimave të torturës dhe familjeve të tyre. "Është qenësore që të sigurohet burimet e rehabilitimit, përfshirë komponentët mjekësore, psikologjike dhe ligjore gjatë tërë kohës sepse qëllimi i torturës është të shkatërrojnë personalitetin e viktimës", ka thënë Modvig. "Krahpërkrah, bashkësia ndërkombëtare dhe bashkëpunëtorët në Kosovë duhet të vazhdojnë të adresojnë torturën, e para duke ofruar asistencë dhe e dyta duke ofruar burimet adekuate njerëzore dhe financiare". Misioni i OSBE-së sot ka marr pjesë në një konferencë të organizuar në Prishtinë nga Qendra Kosovare për Rehabilitimin e Viktimave të Torturës për të shënuar këtë ditë. "E drejta për të qenë i lirë nga tortura dhe trajtime tjera mizore, jonjerëzore dhe degraduese është e drejtë e cila nuk mund të jetë e nënshtruar ndaj çfarëdo kufizimesh, kudo, nën çfarëdo kushti", ka thënë Katia Chirizzi, Zëvendës Drejtoreshë e Departamentit për të Drejtat e Njeriut dhe Sundimin e Ligjit pranë të këtij Misioni. Në vitin 1997, Asambleja e Përgjithshme e Kombeve të Bashkuara ka shpallur 26 qershorin si Ditën Ndërkombëtare të KB-së në Mbështetje të Viktimave të Torturës. Në këtë ditë, dhjetë vjet më parë Konventa kundër Torturës hyri në fuqi.