Raport i Qendrës për të Drejtën Humanitare mbi Drejtësinë Kalimtare për Serbinë, Malin e Zi dhe Kosovën 1999-2005

Qendra për të Drejtën Humanitare ka paraqitur Raportin e saj mbi Drejtësinë Kalimtare për Serbinë, Malin e Zi dhe Kosovën 1999-2005. Në prezantimin e saj të raportit, Natasha Kandiq, Drejtoreshë e Qendrës tha që Serbia ka dështuar në krijimin e institucioneve të përgjegjshme, që është kushti i parë për vendin “...që të përballet me të kaluarën dhe të jap drejtësi”. Ajo shtoi se “institucionet e përgjegjshme janë garanci që krimet nuk do të ndodhin kurrë më”, por edhe që OJQ-të dështuan në trysninë e tyre ndaj Qeverisë së Serbisë dhe institucioneve shtetërore për të pranuar përgjegjësinë për trashëgiminë historike. Kandiq gjithashtu vlerëson që është pasojë e mungesës së një dëshire të vërtetë politike dhe fuqisë për të larguar ata që kryen krime nga forcat e armatosura, policia dhe institucionet tjera. Sipas saj, parimi i barazisë para Ligjit ka filluar të funksionojë në Serbi vetëm atëherë kur ka pasur trysni nga bashkësia ndërkombëtare. Sipas Kandiq, ky parim është më i qarti në gjykimet e të dyshuarve për krime lufte. Megjithatë, ajo vlerëson që aktet e ndjekjes penale janë të gabueshme dhe se gjykatat e zyrat për ndjekje penale mbesin nën instruksionet e rrepta të fuqisë ekzekutive.