FSHR kërkon debat parlamentar mbi gjendjen e romëve

Me rastin e 13 Korrikut, festës kombëtare malazeze, Fondacioni për Shkollimin e Romëve (FSHR) ka kërkuar nga Presidenti Filip Vujanoviq që të bëj çdo gjë brenda mundësive të tij që të iniciojë zbatim më të efektshëm të Planit Malazez të Veprimit për Dekadën e Përfshirjes së Romëve. Në letrën përshëndetëse të Ditës së Shtetësisë Malazeze, FSHR ka kërkuar nga Vujanoviq që personalisht të iniciojë debatin e parë parlamentar mbi gjendjen dhe perspektivat e statusit të Romëve dhe Egjiptianëve në Mal të Zi. "Konferenca ndërkombëtare për përfshirjen e romëve, e organizuar rishtazi nga UNICEF-I, Instituti për Shoqëri të Hapur dhe FSHR, në bashkëpunim me Qeverinë e Malit të Zi, dëshmuan që programi për përfshirjen e Romëve duhet të vazhdojë, në të ardhmen, në një mënyrë shumë më seriozisht të organizuar, me fonde të siguruara paraprakisht, përshtatje me datat e përcaktuara dhe përgjegjësi profesionale”, thuhet në letrën e dërguar Vujanoviqit. "FSHR beson që mbështetja e Presidentit në krijimin e masave stimuluese të sistemit vendor ligjor dhe ekonomik dhe përfundimisht angazhim më të efektshëm të shtetit në programin e sigurimit të bursave për romët dhe egjiptianët ka një rëndësi të madhe për qëndrueshmërinë e arsimimit të mesëm dhe të lartë të këtyre dy grupeve në Mal të Zi. Festa kombëtare është një rast i mirë për ne që të përkujtojmë që Mali i Zi, si një shtet demokratik, nuk mund të trajtojë grupe të përcaktuara si qytetarë të shkallës së dytë”, shton letra.

Komentet e përdoruesve