Promovohet “Strategjia Kombëtare e Mjedisit”

Promovimi i përmbledhjes së Strategjisë Kombëtare të Mjedisit (SKM) u realizua më datë 13 korrik, në konferencën e zhvilluar pranë mjediseve të Hotel “Sheraton” në Tiranë. Konferenca për prezantimin e SKM-së u zhvillua në vijim të këshillimit mbarëkombëtar të nisur nga Ministria e Mjedisit, Pyjeve dhe Administrimit të Ujërave me ndihmën e Projektit ELPA, i financuar nga programi CARDS. Të pranishëm në takim ishin: Kryeministri i Shqipërisë, z. Sali Berisha, Ministri i Mjedisit, Pyjeve dhe Administrimit të Ujërave, z. Lefter Xhuveli, Zv/Ministri i MMPAU, z. Taulant Bino, Zv/Ministri i Punëve Publike, Transportit dhe Telekomunikacionit, z. Armand Teliti Zv/Ministri i Financave, z. Florian Mima, Zv/Ministri i Ministrisë së Ekonomisë, Tregtisë dhe Energjitkës dhe zv/Ministri i Arsimit dhe Shkencës. Deri më sot Shqipëria nuk ka pasur një vështrim strategjik mjedisor të kompletuar dhe afatgjatë. Janë disa sektorë të mjedisit, të cilët kanë zhvilluar strategjitë përkatëse, por të cilat nuk kanë qenë gjithëpërfshirëse. Shumë i mangët ka qenë integrimi i mjedisit në politikat e ndryshme sektoriale si: punët publike, transporti, enrgjitika, planifikimi i territorit, arsimi, bujqëisa etj. Ndaj SKM-ja si një strategji ndërvepruese muajt e ardhshëm do të integrohet me strategjitë e tjera sektoriale, për të zhvilluar kështu Strategjnë Kombëtarë për Zhvillim dhe Integrim. Për hartimin e SKM-së është analizuar fillimisht gjendja aktuale e mjedisit në zonat, ku ai ka probleme serioze, të cilat nuk përmbushin standartet Evropiane. Ndërkohë është marrë në konsideratë Plani Kombëtar për Përafrimin e Legjislacionit dhe Plani i Veprimit për Bashkëpunimin Evropian si dhe strategjitë lokale të transportit, bujqësisë, energjisë dhe ato specifike të industrisë. Duke ditur gjendjen e mjedisit, ai domosdoshmërisht ka nevojë për një program të mirëfilltë veprimi, i cili mund të ndihmojë në përmirësimin e cilësisë së jetës, krijimin e kushteve për zhvillimin e qëndrueshëm dhe integrimin e strategjisë së mjedisit me strategjitë e tjera sektoriale. Të tjera objektiva, të cilat do të ndihmojnë në përmirësimin e cilësisë së mjedisit, të cilët u vlerësuan si shumë të rëndësishëm përgjatë konferencës ishin: përmirësimi i kuadrit ligjor, sigurimi i financimeve për mjedisin dhe rritja e infromimit dhe pjesëmarrjes publike.

Komentet e përdoruesve

Nuk ka komente.

 Version i printueshëm