“Turizmi i Qëndrueshëm: Mundësi dhe Sfida”

Milieukontakt organizon në datat 27-29 shtator 2006 në Pogradec Workshopin me temë: “Turizmi i Qëndrueshëm: Mundësi dhe Sfida”. Në të do të ketë pjesëmarrje nga Shqipëria, Kroacia, Maqedonia dhe Moldavia si dhe ekspertë nga Rumania dhe Anglia. MKOE logo Qëllimi i Workshopit është të identifikojë dhe të planifikojë zhvillimin e vlerave egzistuese dhe mundësitë për rritjen e të ardhurave të komunitetit duke tërhequr turistët në mënyrë të qëndrueshme: duke ruajtur thesaret natyrore e traditën kulturore pa i prishur ato. Ose me fjalë të tjera, si mundet Globalizimi të përdoret në avantazh të vlerave vendore? Workshopi do të jetë praktik dhe konkret. Përgjatë workshopit pjesëmarrësit do të kenë mundësi të prezantojnë vendet e tyre, natyrën dhe vlerat kulturore. Ekspertë në Turizëm dhe Udhëtime, të suksesshëm në promovimin e këtyre vlerave si paketa për turistët apo agjenci të huaja do të ndihmojnë pjesëmarrësit se si ti përdorin këto vlera për të mirën e komunitetit dhe natyrës. Disa nga pyetjet që do të adresohen do të jenë: Çfarë lehtësirash nevojiten për të zgjuar dhe mbajtur kërshërinë e turistëve? Cilin tip të turistave duhet të tërheqim dhe si? Cilat janë kriteret e agjentëve të udhëtimit apo e turistëve kur vendosin për ofertat dhe destinacionin e tyre? Si mund t’i plotësojmë këto dhe të tërheqim ato tipe turistësh që në duam? Pjesëmarrësit do të vizitojnë vende të ndryshme me potencial turistik në Pogradec. Ata do të vlerësojnë arritjet e komunitetit në tërheqjen e turistëve dhe kënaqjen e tyre. Ditën e fundit të Workshopit pjesëmarrësit do të skicojnë një Plan për Zhvillimin dhe Marketimin e Turizmit të Qëndrueshëm në lokalitetin e tyre. Ekspertët do të japin këshillat dhe sugjerimet e tyre për përmirsimin e këtyre planeve. Janë të ftuar individë, organizata, institute apo agjenci që punojnë në fushën e turizmit apo janë në proces të zhvillimit të planeve turistike si mjet për zhvillimin e një turizmi të qëndrueshëm. Gjithashtu synohet të krijohet lidhje mes pjesëmarrësve dhe ekspertëve ndërkombëtar apo vendas që mund të përdoren në të ardhmen dhe pse jo mbase “të shesim” paketa turistike të dala nga takimi. Numri i pjesëmarrësve në Workshop do të jetë i kufizuar, 25 vetë nga të cilët 20 persona do të jenë nga Shqipëria. Ndërsa ditën e dytë, përgjatë visitës në zona turistike, do të marrin pjesë më shumë vetë kryesisht nga pushteti vendor, shoqatat e turizmit apo agjentë turistik, etj.. Për më shumë informacion mund të na kontaktoni si më poshtë: Valbona Mazreku, Përfaqësuese për Shqipërinë Rr A.Frasheri, ish Godina qeveritare ¾ K.Postare 1700 Tel 04 234851 e-mail mkoe@albmail.com milieuka@icc-al.org

Komentet e përdoruesve