“DOSTA” proteston kundra Fushatës Zgjedhore të Urrejtjes

Aktivistët e lëvizjes DOSTA të Bosnjës organizuan një protestë në mbrojtje të dinjitetit të tyre në Sarajevë të Shtunën me 26 Gusht nën moton “Stop Dhunës, fushatës së Gënjeshtrave dhe Urrejtjes”. Protesta u mbajt në sheshin Oslobodjenje-Alija Izetbegovic. DOSTA! Gjatë protestës aktivistët e DOSTA (MJAFT) shpërndanë fletëpalosje informuese duke i ftuar qytetarët të përdorin të drejtat e tyre demokratike dhe të protestojnë për t’i treguar botës që ata nuk duan të jetojnë në një shtet të tillë. Me moton “Ushqim – Jo Bomba” aktivistët e DOSTA shpërndanë ushqime për pjesmarrësit dhe qytetarët. Aktivistët grumbulluan libra dhe artikuj shkollorë për fëmijët që prindërit e të cilëve nuk kanë mundësi të sigurojnë të gjitha gjërat e nevojshme për shkollë. Një nga aktivistët interpretoi rolin e një politikani opportunist me të cilin qytetarët mund të komunikojnë me shumë vështirësi. Anëtarët e DOSTA shqetësohen që fushata mund të mbushet me urrejtje dhe nxitje të pasionit nacionalist, që mund t’i shërbejë qëllimit për të marrë pushtetin më çdo mënyrë. “Ne nuk mund të heshtim dhe ta pranojmë këtë. Ne duam të realizojmë që ne duam të jetojmë edhe pas këtyre zgjedhjeve dhe nëse duhet me protesta në rrugë për të rrëzuar këtë qeveri dhe të kërkojmë zgjedhje të parakohshme”, u shpreh një activist i “DOSTA” gjatë protestës.

Komentet e përdoruesve