Shfrytëzimi i energjive të rinovueshme nëpërmjet teknologjive të reja – domosdoshmëri për zhvillim të qëndrueshëm

Në datën 7 Shtator 2006, Co – Plan Instituti per Zhvillimin e Habitatit në bashkëpunim me Ministrinë e Ekonomisë Tregëtise dhe Energjitikës dhe Ministrinë e Mjedisit Pyjeve dhe Administrimit të Ujrave, në kuadër të projektit “Energjitë e Qëndrueshme për Shqipërinë” organizon një tryezë të rrumbullaket me ekspertët e fushës dhe përfaqësuesit e shoqërisë civile. © Co-Plan Objektivi i kesaj tryeze të rumbullakët është hapja e debatit mbi vlerësimin e potencialeve të energjive të rinovueshme (përfshirë dhe hidrogjenin) dhe roli që mund të luajë energjia e prodhuar nga këto burime jo vetëm në kërkesën për energji në sektorë të ndryshëm të ekonomisë por edhe në varësinë e vendit tonë përkundrejt importit të energjisë.evidentimin e barrierave dhe gjetjen e mekanizmave për shmangien e tyre në mënyrë të tillë që vendi ynë të ketë mundësi për të përfituar nga futja dhe shfrytëzimi i teknologjive të reja që shfrytëzojne burimet e rinovueshme për prodhimin e energjisë. Përfaqësues nga Ministritë e linjës (Ministria e Ekonomisë Tregëtisë dhe Energjisë, Ministria e Mjedisit, Pyjeve dhe Administrimit të Ujrave), nga institucionet kërkimore shkencore (Instituti i Hidrometeorologjisë, Agjencia Kombëtare e Energjisë, Qendra për Eficencën e Energjisë, Instituti i Veprave Hidraulike, Universiteti Politeknik) expertë të fushës, përfaqësues të organizatave ndërkombëtare (WB, USAID, UNDP, EC delegation), përfaqësues të biznesit, media, dhe përfaqësues të shoqërise civile do të marrin pjesë në këtë tryezë. Tryeza e rumbullaket do të zhvillohet në shqip, por gjithashtu do të sigurohet përkthim simultant nga shqipja në anglisht dhe anasjelltas.

Komentet e përdoruesve