Hedvig Morvai-Horvath fituese e sivjetme e çmimit Fitimi i Lirisë

Hedvig Morvai-Horvath Hedvig Morvai-Horvat, Drejtoreshë Paktit të Qytetarëve për Evropën Juglindore që prej vitit 2002, është fituese e çmimit të njohur: “Winning Freedom” (Fitimi i Lirisë). Çmimi ndahet nga Fondacioni Maja Marsicevic-Tasic. Maja Marsicevic-Tasic ishte gazetare dhe politikane, një nga karakteret më energjike dhe optimiste në jetën publike të Serbisë. Fondacioni i emëruar sipas emrit të saj është themeluar nga Aleanca Qytetare e Serbisë, me përpjekjet e miqve të Majas, për hir të përkujtimit të saj. Çmimi i njohur, i cili u jepet grave veprimet e të cilave u dalin krah afirmimit të parimeve për të Drejtat e Njeriut, Sundimit të Ligjit, Demokracisë dhe Tolerancës, dhe ai dhurohet çdo vit me 24 shtator. Fituese të mëhershme të çmimit ishin gazetarja Olja Beckovic, fotografi Goranka Matic, shkrimtarja Biljana Srbljanovic, Ruzica Djindjic dhe dramaturgia Borka Pavicevic. “Për mua fitimi i lirisë nënkupton marrjen e përgjegjësisë për veprime personale dhe përgjegjësive të ardhshme, për fjalën e thënë, për njerëzit që na rrethojnë, për hapësirën dhe kohën e ndarë me të tjerët. Është përgjegjësi për të bërë jetën tuaj dhe mjedisin në të cilin jetoni – më të mirin që mundeni”, tha Hedvig Morvai-Horvat me rastin e marrjes së çmimit. Çmimi i është dorëzuar Hedvig Morvai-Horvat të dielën, me 24 shtator, në mjediset e Qendrës për Dekontaminim Kulturor, në Beograd.