Misioni i OSBE-së paraqiti broshurën mbi gjendjen e korrupsionit në Kosovë

Misioni i OSBE-së paraqiti dje një broshurë me rezultatet e ekspertëve mbi gjendjen e korrupsionit në Kosovë në një punëtori të dytë të organizuar mbi këtë çështje nga Misioni i OSBE-së dhe Zyra e Kryeministrit. "Kemi dizajnuar këto punëtori për të përmirësuar pajtueshmërinë me parimet e qeverisjes së mirë," tha Wilma Theuws, Zëvendësdrejtoreshë në Departamentin e Demokratizimit të Misionit. “Për më shumë, ato kanë pasur qëllim krijimin e transparencës dhe mbikëqyrjen e organeve vendimmarrëse, si dhe mekanizmat e ndarjes së financave në institucionet e Kosovës". Broshura, “Plani i Veprimit Kundër-Korrupsion: Prioritet social dhe ekonomik për Kosovën”, analizon faktorët shoqërorë që kontribuojnë tek korrupsioni, perceptimet publike të korrupsionit, dhe hapat e mundshëm që nevojiten për të luftuar korrupsionin. Ai gjithashtu sugjeron që gjendja e korrupsionit, nëse nuk ndalohet menjëherë, do të shkaktoj rreziqe serioze në çdo progres potencial ekonomik. Ai gjithashtu paraqet në detaje përgjegjësitë e Agjencionit të ri Kosovar të Antikorrupsionit. Publikimi është bërë në një takim të anëtarëve të Kuvendit të Kosovës, përfaqësuesve të Institucioneve të Përkohshme Vetëqeverisëse të Kosovës dhe agjencive për zbatimin e ligjit. Broshura mund të gjendet në Shqip, Serbisht dhe Anglisht në faqen e internetit të Misionit të OSBE-së në Kosovë.

Komentet e përdoruesve