Paradë siluetash: Jo më gra dhe vajza që dhunohen

Me 25 Nëntor, Qëndra e Zhvillimit të Shoqërisë Civile Korçë (CSDC), Kryqi i Kuq Shqiptar dhe 11 organizata të Shoqërisë Civile organizuan një manifesim kundër dhunës në familje. Për të sensibilizuar opinionin kundër dhunës manifestuese vajza të veshura në të zeza, bënë një “Paradë Siluetash” që simbolizonte të gjitha gratë dhe vajzat që dhunohen në familje. Protesta e grave ne Korce © CSDC - Korce Ky manifestim u organizua në kuadër të një fushate dyjavore për promovimin e të drejtave të njeriut, që CSDC Korça bashkë me 11 organizata lokale ne Korçë dhe Pogradec. Në këtë manifestim morën pjesë anëtarë të organizatave të shoqërisë civile dhe qytetarë të Korçës. Aktiviteti pati jehonë jo vetëm në median lokale por edhe në atë kombëtare. Organizatat që janë përfshirë në këtë aktivitet janë: Gruaja Korcare; Unë, Gruaja, Pogradec; Klubi Qytetar MJAFT; Klubi Social/Parlamenti Rinor; Rehabilitimi Fizik; Nëna, Fëmija e Ardhmja; Disutni Albania; Romani Baxt; Roma për Integrim; Amaro Drom; Fëmijët dhe të Rinjtë Jetimë. Fushata e sensibilizimit do të vijojë më tej me tryeza të rrumbullakta mbi problemet e grave, komunitetit rom, fëmijëve jetime apo personave me aftësi të kufizuar. Gjithashtu do të organizohen programe dhe spote televizive, konkurse letrare në shkollat e mesme të qytetit dhe aktivitete të tjera. Të përbashkët këto aktivitete do të kenë promovimin dhe respektimin e të drejtave të njeriut dhe në veçanti të drejtat e grave. Ky është viti i dytë që CSDC Korça organizon një aktivitet të këtij lloji me qëllim sensibiliziimn e komunitetit mbi dhunën në familje dhe të drejtat e njeriut. Kjo fushatë sensibilizuese u mbështet nga Agjensise Nderkombetare Suedeze per Bashkepunim dhe Zhvillim (SIDA) dhe mbeshtetja e OSBE-së.

Komentet e përdoruesve

Nuk ka komente.

 Version i printueshëm