Zbatohet plani kundër trafikimit të qenieve njerëzore

Bartësit e Planit të veprimit kundër trafikimit me qenie njerëzore në Kosovë, në një konferencë të mbajtur të hënën në Prishtinë, kanë pasqyruar të arriturat që kanë shënuar prej fillimit të fushatës së tyre. Sipas këtij plani, të prezantuar nga Zyra për qeverisje të mirë e Kryeministrit të Kosovës, gjatë periudhës, maj 2005 – tetor 2006, pjesëtarët e policisë kanë bërë 234 vëzhgime, 51 operacione të fshehta të hetimeve, kanë arrestuar 112 persona dhe ka mbyllur 50 lokale publike, në të cilat dyshohej të jetë ushtruar prostitucioni. Realizuesit e këtij projekti ndër të tjera kanë bërë të ditur që se shpejti edhe Ministria e Arsimit, në bazë të këtij plani, do të obligohet të angazhohet në luftimin e kësaj dukurie nëpërmjet plan-programeve shkollore dhe ato të nivelit parauniversitar. Siç ka bërë të ditur, Habit Hajredini, koordinator nacional për luftimin kundër trafikimit në Kosovë, në këtë projekt janë përfshirë të gjitha strukturat vendore dhe ndërkombëtare, ndërsa në të ardhmen pritet angazhimi edhe i institucioneve të tjera vendore që mund të japin kontribut në këtë drejtim.

Komentet e përdoruesve

Nuk ka komente.

 Version i printueshëm