OSBE financon Qendrën e Informacionit të Aarhusit

Ambasadori i OSBE-së Pavel Vaçek dhe Ministri i Mjedisit, Pyjeve dhe Administrimit të Ujërave Z.Lufter Xhuveli hapen zyrtarish javën e kaluar Qendrën e Informacionit Aarhus. Ambasadori Vaçek tregoi interesimin që Prezenca e OSBE-së tregon për arritjen e standarteve europiane në dhënien e informacionit sidomos për problemet mjedisore, pasi në Shqipëri problemet mjedisore kanë një gamë të gjerë, si shpyllëzimet, mbetjet urbane e ato minerare. Femijet duke mbjelle peme ne nje projekt te OSBE-se © OSCE Ai shprehu kënaqsinë e tij për mirëfunksionimin e kësaj qendre e cila tashmë do jetë dhe me shumë e hapur për publikun e interesuar. Qendra e Informacionit është e para në Administratën Shqiptare që njeh investimin e OSBE-së për forcim të kapaciteteve duke pasur parasysh numrin dhe interesin e publikut për informacion mjedisor Investimi i OSBE-së konsiston në paisje zyrash me kompjuter, printer, video-center, libra dhe video me filma mjedisorë. Gjithashtu OSBE-ja do të financojë në trajnime të ndryshme në të gjithë vendin për ngritjen e kapaciteteve të personave që duhet të japin informacion mjedisor. Kjo Qendër do jetë e hapur 8 orë në ditë gjatë gjithë javës dhe pa shpenzime financiare, për organizatat joqeveritare mjedisore, studentë dhe publikun e interesuar për të marrë informacion mjedisor. Prezenca e OSBE-së në Shqipëri do të mbështesë ngritjen e kapaciteteve të stafit të informacionit të MMPAU. Gjithashtu do të shtrije informimin mjedisor edhe në rrethe të tjera të vendit duke synuar informimin sa më të plotë të komunitetit për problematikat e mjedisit. Qendra e Informacionit e Ministrisë së Mjedisit Pyjeve dhe Administrimit të Ujërave ka filluar të funksionojë rreth tre vite më parë. Në këtë Qendër qytetareve u ofrohen shërbime si dhënie informacioni mjedisor. Vetëm në këtë vit numri i qytetarëve që kanë kërkuar informacion mjedisor është 1212 veta. Publiku më i interesuar janë studentët, pedagogët dhe OJF-të mjedisore, Gjithashtu në këtë Qendër publikohen dhe proçedurat për aplikim leje mjedisore për bizneset e ndryshme, botime që bëhen nga qendra ose OJF-të në fushën e mjedisit. Kjo Qendër publikon çdo muaj buletinin mjedisor elektronik, i cili u shpërndahet rreth 350 adresave të loguara në Ministrinë e Mjedisit, Pyjeve dhe Administrimit të Ujrave, në shërbim të OJF-ve mjedisore, organizmave të huaja, dhomave të Tregëtisë dhe Industrisë, Ministrive të linjës etj.

Komentet e përdoruesve