Nxënësit e shkollave do të përfshihen në vendimarrje

Organizata Save the children së bashku me disa Drejtori Arsimore ka nisur projektin e përfshirjes së nxënësve në vendimarrje në 50 shkolla të vendit të rretheve Tiranë, Korçë, Vlorë, Peshkopi dhe Shkodër. ''Save the children'' logo Në këto shkolla janë ngritur Qeveritë e Nxënësve ku secila klasë përfaqësohet me senatorin e saj të zgjedhur me anë të votimeve të bëra. Këto qeveri kanë si qëllim që të paraqesin mendimet dhe propozimet e nxënësve tek drejtuesit e shkollave. Ministri i Arsimit, z. Genc Pollo në kuadër të këtij projekti u shpreh: “ Ky projekt është shumë i rëndësishëm për shkollat tona, një projekt që ka të bëjë me zhvillimin e nxënësve, me aftësinë që kanë ata për tu organizuar në këtë moshë, por edhe në të ardhmen, me zhvillimin e cilësive të lidershipit, që ata të marrin përsipër iniciativa dhe ti kryejnë ato”. Me anën e qeverisë së tyre nxënësit angazhohen në diskutime të çështjeve që kanë të bëjnë me proçesin mësimor dhe problemeve të ndryshme të shkollës si dhe temave sociale që shqetësojnë këtë komunitet.

Komentet e përdoruesve