Merr fund kriza parazgjedhore në Shqipëri

Presidenti i Republikës, Alfred Moisiu, ka dekretuar datën e re të zgjedhjeve lokale, me 18 Shkurt 2007 ,menjëherë pas miratimit në Kuvend të ndryshimeve të Kodit Zgjedhor dhe të Kushtetutës. Marrëveshja e arritur mes forcave politike javën e shkuar për zgjedhjet, ka qenë në qendër të vëmendjes edhe të përfaqësuesve ndërkombëtarë dhe vlerësimet maksimale shkojnë për Presidentin Moisiu, ku në sajë të këmbënguljes së fortë të tij, u arrit që të gjitha partitë politike të nënshkruanin marrëveshjen në tryezën e thirrur prej tij, e cila zgjati katër ditë. Alfred Mosiu Nga përfaqësuesit ndërkombëtarë u vlerësua fakti që presidenti e shpëtoi vendin nga një krizë shumë serioze e kaloi deri në një klimë konfrontimi mes dy forcave politike më të mëdha në vend. Presidenti Alfred Moisiu, duke iu referuar procesit të negociatave për zgjidhjen e krizës, tha se kishte bërë detyrën jo vetëm si Kryetar i Shtetit, por edhe si qytetar. “Uroj që kjo krizë t'iu shërbejë politikanëve në të ardhmen si mësim”, tha Presidenti Moisiu në me rastin e hapjes të ekspozitës së fotoreporterëve ndërkombëtarë, e cila u çel në mjediset e Galerisë së Arteve Figurative në Tiranë, ku të pranishëm ishin dhe përfaqësues të ndryshëm ndërkombëtarë.

Komentet e përdoruesve