Fëmijë të Elbasanit kërkojnë drita për të mësuar

Klubi i Lëvizjes MJAFT! në qytetin e Elbasanit ka zhvilluar në qendër të këtij qyteti një protestë për mungesën e energjisë elektrike. Një numër i madh të rinjsh mbanin në duar gjatë kësaj proteste banderola ku shkruhej: “Mjaft errësirës në Elbasan”,apo “Koha për ndricim” “, etj. Gjatë kësaj protese ishin të pranishëm edhe fëmijë të cilët mbanin në duar një banderolë ku shkruhej “Duam drita për të mësuar”, ndërkohë që ambienti përreth tyre ishte “ndricuar” nga qirinj të shumtë. Aktivistët e MJAFT! ndezën gjatë kësaj proteste dhjetëra qirinj të cilët i mbajtën në duar, ndërkohë që protestës iu bashkuan dhe qytetarë të tjerë të shumtë të cilët u afruan për të ndezur edhe ata nga një qiri, në shenjë proteste ndaj mungesës së papranueshme në vitin 2007 të energjisë elektrike. Kjo protestë nisi në momentin kur qyteti kishte ende drita, por për ironi të fatit, te KESH-it dhe te banoreve, fill pas ndezjës së qiriut të parë, energjia elektrike u fik! Përpara mediave lokale dhe kombëtare te pranishme ne proteste, aktivistët e Lëvizjes MJAFT! në Elbasan u shprehën se kriza e energjisë elektrike duhet të marrë fund një herë e përgjithmonë. Miranda Kabashi (MJAFT!) tha se qytetarët e Elbasanit e paguajnë 90% energjinë por në shtëpitë e tyre ajo mungon me orë të tëra. Leonard Toci, gjithashtu aktivist i MJAFT! theksoi se Elbasani është një nga qytetet më të keqtrajtuara nga KESH.

Komentet e përdoruesve

Nuk ka komente.

 Version i printueshëm