MJAFT! nis fushatën "Shkunde Votën"

Lëvizja MJAFT! nisi të Hënën me 29 Janar fushatën kombëtare “Shkunde Votën”, që synon t’i ndërgjegjësojë të gjithë qytetarët që të shkojnë në 18 shkurt në kutitë e votimit. Kjo fushatë do të synojë fuqizimin e qytetarëve, në mënyrë të tillë që ata të mos jenë thjesht dëgjues pasivë të platformave, por të influencojnë që këto platforma të jenë sa më afër interesave të tyre. Për këtë arsye, sot në mëngjes (e hënë 29 janar), një autobus me dhjetëra aktivistë të MJAFT! u nis në një karvan që do të ndalet në disa qytete të Shqipërisë deri në 8 shkurt. Karvani do të ndalet në qytetet e Lezhës, Shkodrës, Pukës, Rrëshenit, Durrësit, Kavajës, Lushnjës, Vlorës, Gjirokastrës, Corovodës, Korcës, Elbasanit. Në këto qytete Lëvizja MJAFT! do të organizojë debate mes kandidadëve në prani të cdo qytetari. Ndoshta jo cdo qytetar do të mund të përballet me kandidadin e tij ideal në këtë proces zgjedhor. Por, rregullat e demokracisë funksionojnë në atë mënyrë që mes kandidadëve që ofrohen për të marrë një detyrë publike, qytetarëve u mbetet që të zgjedhin atë kandidat që ofron më shumë. Në këtë kontekst, mospjesëmarrja garanton që njerëz të tjerë të marrin një vendim për ty, njësoj si sugjeron shprehja shumë domethënëse e Platonit: ”Dënimi për ata që nuk votojnë është të qeverisen nga njerëz të paaftë”….

Komentet e përdoruesve

Nuk ka komente.

 Version i printueshëm