Abonentët e AMC dhe Vodafon do të rregjistrohen

Kompanitë e telefonisë celulare AMC dhe Vodafone kanë nisur procesin e regjistrimit të të gjithë abonentëve të tyre me kartë të parapaguar. Ky proces pritet të përfundojë me datë 30 Qershor 2007. Të gjithë klientët e këtyre kompanive duhet të paraqiten në dyqanet AMC dhe Vodafon në të gjithë vendin duke paraqitur dokumente identifikimi në mënyrë që të bëhet i mundur regjistrimi. Për tu ardhur në ndihmë abonentëve Vodafon ka ofruar mundësinë e telefonatave pa pagesë në numrin 1518 ndërsa AMC mundësinë e regjistrimit online duke klikuar në modelin e formularit të regjistrimit. Regjistrimi i abonentëve erdhi si rezultat i kërkesës së bërë nga institucione të ndryshme qeveritare për të lehtësuar punën e organeve të drejtësisë. Deri tani një numër AMC apo Vodafon shitej nga persona të paliçensuar dhe mund ta gjeje edhe në rrugë nga shitës ambulantë. Drejtori i përgjithshëm i Vodafon, Thomas Papaspyrou tha se: “…kompania po ndërmerr të gjitha masat e nevojshme, si për të përballuar të gjitha kostot e këtij procesi, ashtu edhe për t’u ofruar klientëve tanë shërbimin më të mirë dhe lehtësira, duke synuar kështu përmbushjen e detyrimit ligjor”.

Komentet e përdoruesve

Nuk ka komente.

 Version i printueshëm