Konsorciumi “Telekom Slovenia - Ipko Net” pagoi 75 milionë euro

Ky konsorcium u shpall fitues i tenderit për operator të dytë të telefonisë mobile në Kosovë, si i dyti i radhitur, pas dështimin të konsorciumit tjetër “Kosmocell”, i cili edhe pse ishte shpallur fitues, nuk arriti t’i paguante 81 milionë euro sa kishte ofruar në ofertën e tij. Pagesën e shumës prej 75 milionë euro, konsorciumi “Telekom Slovenia - Ipko Net”, e bëri të ditur përmes një komunikate, në të cilën thuhet se ashtu siç ishte premtuar, ky konsorcium e ka kryer obligimin financiar ndaj ART-së dhe Qeverisë se Kosovës. Dosido, me këtë vendim të Autoritetit Rregullativ të Telekomunikacionit (ART), nuk është e kënaqur kompania që ka humbur në këtë garë, “Mobilkom Austria”, e cila ka paraqitur ankesë për procesin e tenderimit. Deri më tani Vala, njësi e Postës dhe Telekomit të Kosovës, ka qenë operatori i vetëm legal në Kosovë. Ndërkaq licenca e dytë e telefonisë mobile përfshin të drejtën e përdorimit të frekuencave GSM 900/1800 MHz në një periudhë 15-vjeçare.

Komentet e përdoruesve

Nuk ka komente.

 Version i printueshëm